BAKI,VOA, Fərid Mikayılov
ABŞ-ın İran bayraqlı yük gəmisinə müdaxiləsindən sonra İranın ABŞ-a məxsus bəzi hərbi gəmilərə pilotsuz uçuş aparatları ilə hücum etdiyi bildirilir.
VOA xəbər verir ki, İran Silahlı Qüvvələri ABŞ donanmasına qarşı cavab zərbəsi kimi PUA hücumları həyata keçirib.
Qeyd olunub ki, hadisə ABŞ-ın İranın “Touska” adlı yük gəmisinə atəş açaraq müdaxilə etməsindən sonra baş verib.
Bildirilib ki, ABŞ Prezidenti Donald Tramp daha əvvəl həmin gəminin dayandırılması üçün hərbi müdaxilə edildiyini açıqlayıb.
Məlumata görə, o, İran ekipajının xəbərdarlıqlara məhəl qoymadığını və nəticədə gəminin zərərsizləşdirildiyini qeyd edib.
Qeyd edilib ki, gəmi hazırda ABŞ qüvvələrinin nəzarəti altındadır.