Bakı,AzerVoice
Qazaxıstan və Cənubi Koreya yaşıl iqtisadiyyat sahəsində əməkdaşlığı genişləndirmək niyyətindədirlər.
AzerVoice xəbər verir ki, Qazaxıstanın Cənubi Koreyadakı səfiri Nurqali Arıstanov Cənubi Koreyanın iqlim dəyişikliyi üzrə xarici işlər nazirinin müavini Kim Hyoun ilə görüşüb.
Görüş zamanı tərəflər iqlim dəyişikliyi, o cümlədən meşə yanğınlarının qarşısının alınması, su ehtiyatlarından səmərəli istifadə, ən müasir texnologiyaların tətbiqi ilə məişət və sənaye tullantılarının emalı və təkrar emalı sahəsində əməkdaşlıq məsələlərini müzakirə ediblər.
Görüşün yekununda diplomatlar dialoqun davam etdirilməsi və yuxarıda qeyd olunan sahələrdə qarşılıqlı faydalı əməkdaşlığın təşviqi üçün qarşıdakı tədbirlərdən istifadə etmək barədə razılığa gəliblər.
