Qazaxıstanın Pavlodar vilayətində An-2 tipli təyyarə qəzaya uğrayıb. Hadisə nəticəsində bir nəfər ölüb, digər şəxs isə xilas edilib.Qəza zamanı təyyarənin göyərtəsində iki nəfər olub. Hadisə nəticəsində onlardan biri həyatını itirib. Digər pilot isə Fövqəladə Hallar Xidmətinin əməkdaşları tərəfindən xilas olunub və onun vəziyyətinin stabil olduğu, huşunun yerində olduğu qeyd edilir.

Türkiyə Prezidenti Rəcəb Tayyib Ərdoğan Qazaxıstan səfərindən dönüş zamanı jurnalistlərin suallarını cavablandıraraq daxili siyasət, təhlükəsizlik, müdafiə sənayesi, türk dünyası, Avropa ilə münasibətlər və sosial məsələlər barədə geniş açıqlamalar verib.

Türkiyə Prezidenti Rəcəb Tayyib Ərdoğan rəsmi səfər çərçivəsində Qazaxıstanın paytaxtı Astana şəhərində Qazaxıstan Prezidenti Kasım-Jomart Tokayev tərəfindən rəsmi mərasimlə qarşılanıb.

Qazaxıstan və Türkiyə arasında hərbi tranzitlə bağlı yeni saziş təsdiqlənib. Qazaxıstan Senatı Türkiyə ilə hərbi əmlak və şəxsi heyətin hava məkanı vasitəsilə tranzitinə dair sazişin ratifikasiyası haqqında qanun layihəsini qəbul edib. Sazişə əsasən, Türkiyəyə məxsus hərbi-nəqliyyat və icarəyə götürülmüş mülki təyyarələrin hər iki ölkənin hava məkanından enişsiz uçuşuna hüquqi baza yaradılır. Sənəd bərabərlik, tərəfdaşlıq və qarşılıqlı fayda prinsiplərinə əsaslanır.

2026-cı ilin mart ayında Azərbaycan vətəndaşları Türkiyədə 30 daşınmaz əmlak satın alıblar ki, bu da 2025-ci ilin eyni dövrü ilə müqayisədə 26 obyekt azdır. Qeyd edək ki, 2026-cı ilin mart ayında Türkiyədə 113 min 367 mənzil satın alınıb ki, bu da 2025-ci ilin mart ayı ilə müqayisədə 2,1 faiz azdır.

2026-ci ilin yanvar-mart ayında Türkiyədə Qazaxıstan kapitalı ilə 8 şirkət qeydiyyata alınıb ki, bu da 2025-ci ilin eyni dövrü ilə müqayisədə 4 şirkət çoxdur. “Hesabat dövründə Türkiyədə qeydiyyata alınan Qazaxıstan şirkətlərinin məcmu kapitalı 2 milyon 920 min türk lirəsi olduğu halda, 2025-ci ilin eyni dövründə bu rəqəm 7 milyon 185 min türk lirəsi təşkil edib”, – deyə TOBB-dan bildirilib.

22 aprel 2026-cı il tarixində Astanada keçirilən Regional Ekoloji Sammit (RES 2026) çərçivəsində “Mərkəzi Asiyada biomüxtəlifliyin qorunması üzrə regional əməkdaşlıq: qlobal öhdəliklərdən birgə fəaliyyətə” mövzusunda panel sessiyası baş tutub.

Qazaxıstanın paytaxtı Astana şəhərində Birləşmiş Millətlər Təşkilatı ilə əməkdaşlıq çərçivəsində təşkil olunan Regional Ətraf Mühit Sammiti işinə başlayıb. Expo Konqres Mərkəzində keçirilən zirvə görüşünün açılış sessiyasında Qazaxıstan Prezidenti Kasım-Jomart Tokayev ilə yanaşı Qırğızıstan Özbəkistan Türkmənistan Tacikistan Monqolistan və Ermənistan prezidentləri həmçinin Azərbaycanın Baş naziri Əli Əsədov və Gürcüstanın dövlət başçısı iştirak ediblər.

Azərbaycanın iştirakı ilə formalaşan yeni enerji marşrutu Avropaya “yaşıl enerji” ixracını sürətləndirir. Layihənin əsasını təşkil edən “Yaşıl dəhliz” təşəbbüsü ilk olaraq 2024-cü ilin may ayında imzalanmış memorandumla başlayıb, daha sonra isə 2024-cü ilin noyabrında Bakıda keçirilmiş COP29 çərçivəsində dövlət başçıları səviyyəsində strateji tərəfdaşlıq sazişi ilə möhkəmləndirilib. Bu sənəd enerji istehsalı ilə yanaşı, onun ötürülməsi istiqamətində də yeni mərhələnin əsasını qoyub.

Türk dövlətləri arasında turizm sahəsində inteqrasiyanın gücləndirilməsi istiqamətində yeni təşəbbüslər irəli sürülüb. Məlumata əsasən, bu çərçivədə “ortaq muzey kartı”nın tətbiqi və üzv ölkələr arasında pasaportsuz gediş-gəlişi təmin edəcək mexanizmlər üzərində işlərin davam etdiyi bildirilib .

Qazaxıstan və Türkiyə arasında nəqliyyat-logistika əməkdaşlığının dərinləşdirilməsi gündəmdədir. Qazaxıstanın Baş naziri Oljas Bektənov iki ölkə arasında dəmir yolu daşımalarının rəqabət qabiliyyətinin artırılması üçün vahid tariflərin formalaşdırılmasının vacibliyini bildirib.

2026-cı ilin yanvar – mart aylarında Türkiyədən Qazaxıstana elektrik avadanlıqları ixracı 2025-ci ilin eyni dövrü ilə müqayisədə 13 faiz azalaraq, 25 milyon 169 min 970 dollara bərabər olub. Türkiyə 2026-cı ilin mart ayında Qazaxıstana elektrik avadanlıqları ixracını 2025-ci ilin eyni dövrü ilə müqayisədə 0,9 faiz artıraraq, 11 milyon 62 min 530 dollara çatdırıb.