BAKI,VOA,Yusif Şərifzadə
Qətər Xarici İşlər Nazirliyinin sözçüsü Məcid əl-Ənsari bildirib ki, ABŞ ilə İran arasında münaqişənin diplomatik yolla həlli istiqamətində səylər davam edir.
VOA xəbər verir ki, əl-Ənsari hazırda vasitəçi ölkələrin tərəflər arasında danışıqların təşkil edilməsi üçün sıx əlaqələndirmə apardığını deyib.
Onun sözlərinə görə, Qətər, Pakistan və Oman ABŞ ilə İran arasında danışıqların asanlaşdırılması və tərəflər arasında sənəd layihələrinin mübadiləsinin təmin edilməsi məqsədilə birgə fəaliyyət göstərirlər.
Qətər rəsmisi vasitəçilik prosesinin davam etdiyini vurğulasa da, danışıqların detalları və mümkün razılaşmanın məzmunu barədə əlavə məlumat verməyib.