BAKI,VOA,Yusif Şərifzadə

Beynəlxalq Dəniz Təşkilatı Hörmüz boğazından keçid üçün hər hansı rüsum və ödənişlərin tətbiq edilməməsinə çağırıb. Təşkilat bildirib ki, beynəlxalq hüquqa əsasən, beynəlxalq gəmiçilik üçün istifadə olunan boğazlarda məcburi ödənişlər tətbiq edilə bilməz.

VOA xəbər verir ki, Beynəlxalq Dəniz Təşkilatının nümayəndəsi Hörmüz boğazı ilə bağlı mövqelərini açıqlayıb.

Təşkilatın sözçüsü bildirib ki, Beynəlxalq Dəniz Təşkilatı beynəlxalq naviqasiya üçün istifadə olunan boğazlardan keçidə görə hər hansı rüsum alınmasına qarşıdır.

Açıqlamada qeyd olunub ki, beynəlxalq hüquq çərçivəsində gəmilərin boğazdan keçidi üçün məcburi ödənişlərin tətbiq edilməsinə hüquqi əsas yoxdur.

Beynəlxalq Dəniz Təşkilatı vurğulayıb ki, dəniz yollarının azad və təhlükəsiz istifadəsi qlobal ticarətin davamlılığı üçün mühüm əhəmiyyət daşıyır.

Hörmüz boğazı dünya enerji daşımalarının əsas marşrutlarından biri hesab olunur. Burada tətbiq ediləcək hər hansı məhdudiyyət və ya əlavə ödənişlər beynəlxalq ticarətə və enerji bazarlarına təsir göstərə bilər.

Təşkilatın açıqlaması ABŞ Prezidenti Donald Trampın Hörmüz boğazından keçidlərə görə ödəniş alınması ilə bağlı bəyanatından sonra verilib.