BAKI,VOA,Yusif Şərifzadə

Avropa İttifaqının 40-dan çox aparıcı hüquq alimi İsrailin işğal altındakı ərazilərdəki yaşayış məntəqələrindən idxala ticarət qadağası tətbiq olunmasını dəstəkləyib.

VOA xəbər verir ki, onların arasında Avropa Komissiyasının keçmiş ticarət rəsmisi İqnasio Qarsia Bercero da yer alır.

Hüquqşünaslar Avropa Komissiyasına ünvanladıqları hüquqi rəydə bildiriblər ki, belə məhdudiyyətlər xarici siyasət çərçivəsində deyil, Aİ-nin ticarət səlahiyyətləri əsasında həyata keçirilməlidir.

Onların fikrincə, işğal altındakı ərazilərdə yerləşən məntəqələrdən ticarət beynəlxalq hüquqa ziddir və buna görə də idxalın qadağan edilməsi hüquqi baxımdan əsaslandırıla bilər.

Alimlər həmçinin qeyd ediblər ki, bu qərarın qəbul edilməsi üçün bütün üzv dövlətlərin yekdil razılığı tələb olunmur və bu yanaşma Avropa Məhkəməsinin təcrübəsinə ziddir.

Mütəxəssislər Rusiyadan qaz idxalına tətbiq edilən məhdudiyyətləri də oxşar hüquqi presedent kimi göstəriblər.

Təşəbbüs Avropa Komissiyasının iyulun 13-də keçiriləcək Aİ Xarici İşlər Şurası iclasından əvvəl təqdim oluna biləcək yeni təkliflər fonunda gündəmə gəlib.