BAKI,VOA, Nailə Babazadə
Malta bayrağı altında üzən "Celestyal Discovery" kruiz gəmisi 47 gün Dubay limanında qaldıqdan sonra Hörmüz boğazından keçən ilk sərnişin gəmisi olub.
VOA xəbər verir ki, gəmilərin real vaxt rejimində izlənilməsini təmin edən "MarineTraffic" şirkətinin məlumatlarına görə, ABŞ/İsrail-İran müharibəsinin fevralın 28-də başlamasından sonra, martın əvvəlində Dubay limanına yan alan "Celestyal Discovery" 47 gün ərzində burada gözləyib.
Sözügedən sərnişin gəmisi bu gün limanı tərk edib və Bakı vaxtı ilə saat 18:30-da Hörmüz boğazını keçib. Omanın Maskat şəhərinə doğru irəliləyən Malta bayraqlı gəmi, müharibə başlayandan bəri Hörmüz boğazından keçən ilk sərnişin gəmisi kimi qeydə alınıb.