BAKI, AzerVoice, Nailə Babazadə
Ağ Ev Ukraynalı rəsmilərin, Rusiya-Ukrayna müharibəsinin sona çatdırılması üçün İsveçrənin Cenevrə şəhərində keçirilən barış planı görüşmələri nəticəsində hazırlanmış layihənin milli maraqları əks etdirdiyini açıqlayıb.
AzerVoice xəbər verir ki, açıqlamada qeyd olunur ki, ABŞ Xarici İşlər Nazirliyi, Prezident Donald Trampın Yaxın Şərq üzrə xüsusi nümayəndəsiStiven Uitkoff, Trampın qayını Jared Kushner və ABŞ Senatoru Marko Rubio Ukraynalı heyətlə barış anlaşması layihəsinin son variantını nəzərdən keçiriblər.
Toplantının məhsuldar keçdiyi vurğulanır və Ukrayna heyətinin görüş zamanı təhlükəsizlik təminatları, uzunmüddətli iqtisadi inkişaf, infrastrukturun qorunması, dənizçilik hüquqları və siyasi suverenlik kimi bütün əsas məsələlərin ətraflı müzakirə edildiyi qeyd olunur.
Ağ Ev açıqlamasında Ukraynalı rəsmilərin, reviziya və əlavə şərhlər əsasında mövcud layihənin milli maraqları əks etdirdiyini, əsas strateji ehtiyacların qarşılandığını və Ukraynanın qısa və uzunmüddətli təhlükəsizliyini təmin edəcək etibarlı və tətbiq oluna bilən mexanizmləri özündə saxladığını bildiriblər.
Hər iki tərəfin irəliləyişi müsbət qarşılaması və layihənin son formasını əldə etmək üçün müzakirələri davam etdirməyə razılaşması vurğulanıb.