BAKI, AzerVoice, Nailə Babazadə

Pakistanın müdafiə naziri Xavaja Asıf bildirib ki, ölkəsinin nüvə silah potensialı, yaxın günlərdə Səudiyyə Ərəbistanı ilə imzalanmış strateji qarşılıqlı müdafiə sazişi çərçivəsində istifadə oluna bilər.

AzerVoice xəbər verir ki, nazir bu açıqlamanı Geo News televiziya kanalına müsahibəsində verib. O, Pakistanın nüvə silahlarının razılaşma çərçivəsində istifadə edilib-edilməyəcəyi ilə bağlı suala cavab verib.

"Əlimizdə olan güc, bu razılaşma çərçivəsində şübhəsiz şəkildə istifadə oluna bilər." - deyə Asıf qeyd edib.

Asıf eyni zamanda digər ərəb ölkələrinin bu sazişə qoşulma ehtimalı ilə bağlı sualıda cavablandırıb.

"Hələlik dəqiq bir şey söyləmək çətindir, amma onu deyə bilərəm ki, qapılar açıqdır." - deyə Asıf vurğulayıb.

Müsəlman ölkələrinin öz regionlarını və xalqlarını birgə qorumasının “əsas hüquq” olduğunu vurğulayan Pakistanlı nazir, imzalanan müqavilənin heç bir ölkəyə qarşı yönəlmədiyini və yalnız müdafiə məqsədi daşıdığını bildirib.

Nazir əlavə edib ki, Pakistan və ya Səudiyyə Ərəbistanına qarşı olası hücumlara birgə cavab veriləcək.

Asıf həmçinin Əfqanıstan torpaqlarının hələ də Pakistan əleyhinə terror hücumlarında istifadə olunduğunu irəli sürərək, bu barədə sərt açıqlama verib.

"Açıq şəkildə deyirəm: Əfqanıstan təhlükəli ölkədir." - deyə vurğulayıb.

Qeyd edək ki, 17 sentyabr tarixində Səudiyyə Ərəbistanının vəliəhd şahzadəsi Məhəmməd bin Səlman və Pakistanın baş naziri Şahbaz Şərif arasında “Ortaq Strateji Müdafiə Anlaşması” imzalanıb. Ər-Riyadda imzalanan bu müqavilə, iki ölkə arasında müdafiə sahəsində əməkdaşlığı gücləndirməyi və mümkün hücumlara qarşı birgə çəkindirici güc yaratm