BAKI, AzerVoice
İran ilə ABŞ arasındakı altıncı tur nüvə görüşmələrinin 15 İyunda Omanın paytaxtı Maskatta keçiriləcəyi bildirilib.
AzerVoice xəbər verir ki, bu barədə İran Xarici İşlər Nazirliyi Sözcüsü İsmail Bəqayi açıqlama verib.
ABŞ Prezidenti Donald Tramp, İsrail Baş naziri Benyamin Netanyahu ilə telefon danışığı sonrası etdiyi açıqlamada, İran ilə görüşlərin 12 İyunda baş tutacağını bildirib.
İran ilə ABŞ arasında davam edən nüvə danışıqları çərçivəsində tərəflər indiyə qədər Maskat və Romada 5 tur görüş keçiriblər.
Bu görüşlərdə, Tehranın uran zənginləşdirmə məsələsi, iki ölkə arasında əsas fikir ayrılığı olaraq qalır.
İran, nüvə proqramını atom bombası istehsalına mane olacaq şəkildə məhdudlaşdırılması müqabilində sanksiyaların ləğv edilməsini tələb edir.
ABŞ isə İrana uran zənginləşdirmə fəaliyyətlərinin tamamilə dayandırılmasını da əhatə edən bir razılaşma təklifi təqdim edib. İran isə öz "qırmızı xətləri"ni aşan təklifi qəbul etməyəcəyini bildirib.