BAKI,VOA Yusif Şərifzadə
ABŞ Mərkəzi Komandanlığı (CENTCOM) son açıqlamasında bildirib ki, son 20 gün ərzində ümumilikdə 48 gəmi “blokadanın tələblərinə uyğunluğun təmin edilməsi məqsədilə” yönləndirilib.
Qurumun məlumatına görə, bu göstərici əvvəlki hesabatla müqayisədə artım deməkdir. Belə ki, bundan əvvəl 44 gəminin yönləndirildiyi bildirilmişdi və yeni rəqəm bu göstəriciyə əlavə 4 gəminin daxil olduğunu göstərir.
CENTCOM-un açıqlamasında qeyd olunur ki, ABŞ 13 aprel tarixindən etibarən bölgədə dəniz blokadası tədbirlərini gücləndirib. Bu addım atəşkəs elanından bir neçə gün sonra tətbiq olunub və İranın dəniz nəqliyyatı üzərində nəzarətin artırılmasını hədəfləyir.
Blokadanın əsas istiqaməti İranın Hörmüz boğazı vasitəsilə həyata keçirilən dəniz daşımalarına qoyduğu məhdudiyyətlərə cavab olaraq regionda gəmilərin hərəkətinin tənzimlənməsidir. Rəsmi Vaşinqton bu addımı təhlükəsizlik və beynəlxalq dəniz ticarətinin “qaydalar çərçivəsində saxlanılması” kimi izah edir.