BAKI, AzerVoice
ABŞ prezidenti Donald Tramp Ukrayna prezidenti Volodimir Zelenskini Rusiya ilə müharibədə hücum əməliyyatlarına başlamağa çağırıb.
AzerVoice xəbər verir ki, bu barədə “The Washington Post” adının açıqlanmasını istəməyən ukraynalı rəsmiyə istinadla məlumat yayıb.
4 iyul tarixində baş tutan telefon danışığında Tramp bildirib ki, Ukrayna müharibənin taleyini yalnız müdafiə mövqeyi ilə dəyişə bilməz və hücum taktikasına keçməlidir.
Nəşr yazır ki, Tramp söhbət zamanı Zelenskidən Ukraynanın Moskva və Sankt-Peterburqa zərbə endirmək imkanının olub-olmadığını da soruşub. Zelenski isə cavabında belə imkanın yalnız uyğun silahların verilməsi ilə mümkün ola biləcəyini deyib.
Xatırladaq ki, 15 iyulda “The Washington Post” Trampın Zelenskidən Rusiya prezidenti Vladimir Putinə təzyiq göstərmək üçün Moskva və Sankt-Peterburqa hücumlar təşkil etməyi tələb etdiyini yazmışdı. Lakin Ağ Ev həmin məlumatı təkzib edərək, bu barədə yayılan xəbərlərin həqiqətə uyğun olmadığını bəyan edib.