BAKI, AzerVoice
Sardiniya alovlara təslim oldu - İtaliyada eyni anda 20 meşə yanğını baş verib.
AzerVoice xəbər verir ki, İtaliyanın
Sardiniya adasında 20 fərqli nöqtədə meşə yanğını qeydə alınıb.
Barumini, Sindia və San Sperate rayonlarında vəziyyət xüsusilə
kritik olaraq qiymətləndirilir.
Rəsmilərin məlumatına görə, alovlara havadan və qurudan müdaxilə olunur. Barumini şəhərinin mərkəzi və kənd ərazisində yanğınlar kol-kos, kənd təsərrüfatı torpaqları və təsərrüfat sahələrini əhatə edib. İki yanğınsöndürən təyyarə və bir neçə helikopter söndürmə işlərinə cəlb olunub.
Qeyd edək ki, çətin relyef və yanğının sürətlə yayılması ərazidəki müdaxilə işlərini xeyli çətinləşdirir.