Türkiyədə Şanluurfa rayonunda yerləşən məhkəmə binasının anbarında naməlum səbəbdən partlayış baş verib. Partlayış nəticəsində anbarda yanğın başlayıb. Hadisə yerinə dərhal yanğınsöndürənlər, polis və xüsusi təyinatlı qruplar cəlb olunub, ərazidə təhlükəsizlik tədbirləri görülüb. Türkiyənin ədliyyə naziri Yılmaz Tunç açıqlamasında bildirib ki, partlayış zamanı zabit katibin yaralandığını qeyd edib. Nazir yaralının tezliklə sağalmasını arzuladığını bildirib.

Yaponiya, Oita – Oitanın Saganoseki bölgəsində limana yaxın yaşayış ərazisində yanğın baş verib. Hadisə nəticəsində 170-dən çox bina zərər görüb, bir nəfər isə itkin düşüb. Yanğın səbəbindən 180-dən çox sakin təhlükəsiz ərazilərə təxliyə edilib. Yanğın 49 min kvadratmetrlik sahəni əhatə edib və yaxınlıqda olan meşəyə də yayılıb.

İstanbul, Sultangazi – Şəhərin Sultangazi rayonunda 27 mərtəbəli otelin giriş mərtəbəsində yanğın baş verib. Oteldə qalan qonaqlar təxliyə edilib, itfaiyə tərəfindən qısa zamanda söndürülən yanğın zamanı dumandan təsirlənən 4 nəfər xəstəxanaya aparılıb. Yanğın saat 02:00 radələrində Karayolları Mahallesi, Abdi İpekçi Caddesi üzərindəki otelin giriş mərtəbəsindəki bir otaqda buzdolabının naməlum səbəbdən alışması nəticəsində başlayıb. Alevlər və yaranan sıx duman əvvəl otağa, sonra isə üst mərtəbələrə yayılıb.

Yanğın dünən yerli vaxtla saat 15:00 radələrində Antakya rayonunda yerləşən Həbib-i Neccar dağında başlayıb. Ərazidən tüstü qalxdığını görən sakinlərin xəbərdarlığı ilə Meşə Təsərrüfatı Regional Müdirliyinin yanğınsöndürmə qrupları dərhal hadisə yerinə sövq edilib. Hava şəraitinin qaralması səbəbindən hava dəstəyi axşam saatlarında dayandırılsa da, yerüstü yanğınsöndürmə əməliyyatları gecə boyu davam edib.

Türkiyənin Hatay vilayətində meşə yanğını qeydə alınıb. Yanğın Hatayın Antakya rayonunda Həbib-i Nəccar dağının ətəklərində yerləşən meşəlik ərazidə baş verib.

Hadisə yerinə çoxlu sayda yanğınsöndürmə və xilasetmə qrupları səfərbər olunub. X platformasında yayılan fikirlər, yanğının ciddi təhlükə yaratdığını və yerli sakinlərin narahatlığını əks etdirir. Yanğının səbəbi hələlik müəyyənləşdirilməyib. Qeyd edək ki, Sakaryanın Akyazı rayonunda son illərdə meşə yanğınları ilə bağlı tədbirlər gücləndirilsə də, yay aylarında yüksək temperatur və quru hava şəraiti yanğın riskini artırıb. Ekipajlar alovun nəzarət altına alınması üçün intensiv iş aparır.

Yanğın Seferihisar bəndinin yaxınlığındakı meşəlik ərazidə səbəbi hələlik məlum olmayan şəraitdə başlayıb. Güclü küləklər alovun sürətlə yayılmasına səbəb olub. İzmir Meşə Regional Müdirliyinin məlumatına görə, yanğına qarşı 5 təyyarə, 11 helikopter, 21 su maşını, 7 su təchizatı maşını və 2 tikinti texnikası ilə müdaxilə edilir. Ümumilikdə 182 personal alovu nəzarət altına almaq üçün fasiləsiz çalışır. Qeyd edək ki, yanğın Türkiyənin son həftələrdə üzləşdiyi bir sıra meşə yanğınlarından biridir. Ölkənin digər bölgələrində, o cümlədən Aydın, Bolu və Manisada da oxşar hadisələrə qarşı mübarizə aparılır. Azərbaycanın Fövqəladə Hallar Nazirliyinin “BE-200ÇS” amfibiya təyyarəsi də İzmirdəki yanğınların söndürülməsinə dəstək verir. Türkiyə hökuməti vəziyyəti nəzarətdə saxlamaq üçün bütün resursları səfərbər edib, lakin küləkli hava şəraiti yanğınla mübarizəni çətinləşdirir.

Fövqəladə Hallar Nazirliyinin “112” qaynar telefon xəttinə Bakı şəhəri, Qaradağ rayonu ərazisində yerləşən “Sədərək” ticarət mərkəzində yanğın baş verməsi barədə məlumat daxil olub. Məlumatla əlaqədar dərhal əraziyə FHN-in Dövlət Yanğından Mühafizə Xidməti və Xüsusi Riskli Xilasetmə Xidmətinin qüvvələri cəlb olunub.

Meşə Baş Müdirliyi yanğınların tam nəzarət altına alınması üçün əməliyyatların davam etdiyini açıqlayıb. Geliboluda 9 təyyarə, 6 helikopter, 143 texnika və 391 nəfərlik canlı qüvvə ilə alova müdaxilə olunub. Kənd sakinlərinin dəstəyi ilə alovun qarşısı qismən alınıb, Pazarlı və İlqarderə kəndlərindən 126 nəfər təhlükəsizlik məqsədilə təxliyə edilib. Muğlanın Yatağan rayonunda baş verən yanğın havadan və qurudan müdaxilə ilə söndürülüb, soyutma işləri aparılır. Bursanın Orhangazi rayonunda yanğına 2 helikopter, PUA, 8 su maşını və 62 nəfərlik qüvvə cəlb olunub və ərazi nəzarətə götürülüb. İzmirin Menderes rayonunda isə kənd təsərrüfatı sahəsində başlayan yanğın meşəyə keçib, 8 təyyarə, 8 helikopter və 239 nəfərlik personalın səyi ilə nəzarət altına alınıb.

Çile məhəlləsində əkinçilik sahəsində hələ məlum olmayan səbəblərdən başlayan yanğın meşəlik əraziyə keçib. İzmir Meşə Regional Müdirliyi və müvafiq qurumlar yanğının qarşısını almaq üçün genişmiqyaslı əməliyyatlara başlayıb. Hazırda alovla mübarizə üçün 8 təyyarə, 9 helikopter, 25 su maşını, 26 su təchizatı maşını və 4 buldozer səfərbər edilib. Yanğınsöndürmə işləri həm havadan, həm də qurudan intensiv şəkildə davam etdirilir. Hazırda yanğının nəzarət altına alınıb-alınmadığı barədə dəqiq məlumat verilməyib.

Avqust ayındakı yanğınlarda İspaniyada 4 nəfər həyatını itirib. Qalisiya (Ourense, Pontevedra) və Kastiliya və Leon (Zamora, Leon) bölgələri alovların ən çox yayıldığı ərazilərdir. Son 10 gündə yalnız Ekstremadura bölgəsində 17 min hektara yaxın meşə və kənd təsərrüfatı sahəsi yanıb. Ölkə üzrə 2.500-dən çox insan, o cümlədən Leonda 1.523 nəfər evlərindən təxliyə edilib. Onlar hazırda idman zalları, sığınacaqlar və yaxınlarının evlərində yerləşdirilib. İlin əvvəlindən bəri İspaniyada 350 min hektardan çox ərazi məhv olub, bunun 330 min hektarı yalnız avqust ayına təsadüf edir. Yanğınlar səbəbindən doqquz yol bağlanıb, kənd təsərrüfatı və heyvandarlıq sektoru ciddi zərər görüb. La Razon qəzetinin məlumatına görə, yanğınların söndürülməsinə sərf olunan vəsaitin dəyəri 8 milyard avroya, iqtisadi ziyanın miqdarı isə 2 milyard avronu keçib.

Muğlanın Seydikemer mahalının Kabaağaç məhəlləsində, yaşayış massivlərinin yaxınlığında başlayan yanğın küləyin təsiri ilə sürətlə yayılıb. Hadisə yerinə Muğla Meşə Region Müdirliyinə aid təyyarələr və çoxsaylı yanğınsöndürmə qrupları cəlb olunub. Bingölün Gənc rayonunun Bahçebaşı kəndində isə səbəbi hələ müəyyən olunmamış yanğın otlaq sahəsində başlayaraq qısa müddətdə palıd ağacları və üzüm bağlarının olduğu meşəlik əraziyə keçib. Əraziyə Meşə Əməliyyat Müdirliyi, Gənc Bələdiyyəsi və jandarma qüvvələri sövq olunub. Hazırda hər iki bölgədə yanğını nəzarət altına almaq üçün işlər davam etdirilir.