BAKI, AzerVoice
İspaniya İsrailə qarşı sərt addım atdı- 287,5 milyon avroluq silah müqaviləsi dayandırılıb.
AzerVoice xəbər verir ki, İspaniyanın Müdafiə Nazirliyi İsrail şirkəti ilə imzalanmış 287,5 milyon avro dəyərində “Spike LR2” tank əleyhinə raket və buraxılış qurğularının tədarükünə dair müqaviləni rəsmi şəkildə dayandırıb.
Müqavilənin ləğv səbəbi barədə rəsmi açıqlama verilməsə də, bu addım Madriddə İsrailin Qəzzadakı hərbi əməliyyatlarına dair artan narazılıq fonunda atılıb. Bu qərar İspaniyanın son dövrlərdə Fələstinə siyasi dəstəyini gücləndirməsi və İsrailə qarşı daha sərt mövqe sərgiləməsi ilə üst-üstə düşür.
Qeyd edək ki, İspaniya yaxın günlərdə Fələstinin müstəqilliyini tanıyan Avropa ölkələri sırasında yer alıb və Qəzzada davam edən münaqişə ilə bağlı İsrailə qarşı beynəlxalq hüquqa uyğun davranmağa çağırış edib.