Swiss Re Fransa və İspaniyadakı meşə yanğınlarının sığortaya tələbatı artıra biləcəyini açıqlayıb. Şirkət Cənubi Avropada ev sahiblərinin çox vaxt özəl sığortaya güvəndiyini bildirib. Meşə yanğınlarından sığortalanmış zərərlərin son onilliklərdə sürətlə artdığı qeyd olunub. Swiss Re bunu iqlim dəyişikliyi ilə əlaqələndirib. Xüsusilə Avropanın cənub-qərbində risklərin artdığı vurğulanıb. Hazırkı yanğınların maliyyə nəticələrini qiymətləndirmək üçün isə hələ tez olduğu bildirilib. Şirkət risk qiymətləndirilməsinin əhəmiyyətinin artdığını qeyd edib.

İran İspaniya millisinin Dünya Kuboku qələbəsini təbrik edib. Tehran bu uğurun ABŞ və İsrail siyasətini tənqid edən insanlarda sevinc yaratdığını bildirib. İranın əsas danışıqlar nümayəndəsi Məhəmməd Baqir Qalibaf İspaniyanın Fələstin məsələsindəki mövqeyini vurğulayıb. O, ispan futbolçularının Fələstin xalqına dəstəyini qeyd edib. İran İspaniya hökumətinin Qəzza ilə bağlı mövqeyini də yüksək qiymətləndirib. Madrid daha əvvəl İsrailin Qəzza siyasətini tənqid edib. Açıqlama idman uğurundan daha geniş siyasi mesaj kimi təqdim olunub.

2030-cu il dünya çempionatı altı ölkədə keçiriləcək. Turnirin əsas ev sahibləri İspaniya, Portuqaliya və Mərakeş olacaq. Argentina, Uruqvay və Paraqvay isə ilk üç oyuna ev sahibliyi edəcək. Bu qərar ilk dünya çempionatının 100 illiyi ilə əlaqədardır. Yarışda 48 komandanın iştirakı nəzərdə tutulur. Ümumilikdə 104 oyun keçiriləcək. Finalın keçiriləcəyi stadion hələ açıqlanmayıb. Əsas namizəd Madridin "Santyaqo Bernabeu" stadionudur

2026-cı il FIFA Dünya Çempionatının İspaniya və Argentina arasında keçiriləcək final oyunu turnir tarixində bir sıra ilklərlə yadda qalacaq. Şou proqramının kuratoru "Coldplay" qrupunun solisti Kris Martin olacaq. Səhnədə Castin Biber, Şakira, Burna Boy, BTS, Madonna və venesuelalı dirijor Qustavo Dudamel çıxış edəcək.

FIFA futbol üzrə 2026-cı il dünya çempionatının final oyununu idarə edəcək hakimlər briqadasını açıqlayıb.Baş hakimə həmyerliləri Tomaj Klançnik və Andraj Kovaçiç yan xətt hakimləri kimi kömək edəcəklər. Dördüncü hakim funksiyasını isə iordaniyalı Adham Maxadmeh yerinə yetirəcək. Onun köməkçisi həmyerlisi Mohammed Alkalaf olacaq.

Dünya Çempionatının ilk yarımfinal qarşılaşması futbol ictimaiyyətinin böyük əksəriyyəti üçün gözlənilməz, lakin tamamilə ədalətli bir ssenari ilə başa çatdı. Turnirin əsas favoriti hesab olunan Fransa millisinin İspaniya tərəfindən 2-0 hesabı ilə tamamilə turnirdən kənarlaşdırılması rəsmi Paris üçün böyük şok oldu. Kilian Mbappe və Lamin Yamalın böyük dueli kimi təqdim olunan bu qarşılaşma, əslində futbolda estafetin yeni nəslə ötürülməsinin bariz sübutuna çevrildi. 22-ci dəqiqədə 19 yaşını yenicə qeyd etmiş Yamalın veteran müdafiəçiyə qarşı ağıllı oyunu İspaniyaya penalti qazandırdı və Mikel Oyarzabal bu şansı boşa verməyərək hesabı açdı. 58-ci dəqiqədə isə Pedro Porro Dani Olmo ilə mükəmməl bir "divar pası" oynayaraq topu alt küncə göndərdi və matçın yekun nəticəsini təyin etdi. Yamalın meydandakı unikal vizyonu və həlledici anlardakı soyuqqanlılığı Mbappenin sürətinə və Fransa taktiki üstünlüyünə mütləq şəkildə qalib gəldi.

Futbol üzrə İspaniya millisi əsas vaxtda məğlubiyyətsiz oyunlar seriyasını 36 matça yüksəldib.Komanda bu qarşılaşmada əsas vaxtda məğlub olmayacağı təqdirdə, 2018-2021-ci illərdə İtaliya millisinin müəyyən etdiyi 37 oyunluq məğlubiyyətsizlik rekorduna şərik olacaq

ABŞ Prezidenti Donald Tramp NATO Zirvə Toplantısında İspaniya və İranla bağlı əvvəlki sərt açıqlamalarını təkrarlamayıb. Danışıqlarla tanış olan mənbənin sözlərinə görə, Tramp qapalı görüşdə bu mövzulara toxunmayıb. Halbuki, bundan əvvəl o, İspaniyanı müdafiə xərclərinə və İrana qarşı mövqeyinə görə tənqid etmişdi. Tramp maliyyə nazirinə İspaniya ilə ticarət əlaqələrinin dayandırılması barədə göstəriş verdiyini də açıqlamışdı. NATO Zirvə Toplantısında isə əsas diqqət alyansın təhlükəsizlik gündəliyinə yönəlib. Mənbə bildirib ki, əvvəlki bəyanatlar toplantı zamanı yenidən səsləndirilməyib. Bu, sammitdəki müzakirələrin əsas istiqamətinin dəyişdiyini göstərən amillərdən biri kimi qiymətləndirilir.

Avropa İttifaqı ABŞ-dan mövcud ticarət razılaşmalarına əməl etməsini gözlədiyini bəyan edib. Avropa Komissiyasının sözçüsü Olof Gill bildirib ki, ötən il imzalanmış birgə bəyanat hər iki tərəf üçün qüvvədə qalır. Açıqlama Donald Trampın İspaniyanı tənqid etməsindən və bu ölkə ilə ticarət əlaqələrinin məhdudlaşdırılması barədə göstəriş verməsindən sonra səsləndirilib. Gill vurğulayıb ki, Avropa Komissiyası bütün üzv dövlətlərin maraqlarını qətiyyətlə müdafiə edəcək. O, sabit və qarşılıqlı faydalı transatlantik ticarətin qorunmasının vacibliyini qeyd edib. Avropa İttifaqı ABŞ-ın götürdüyü öhdəliklərə sadiq qalacağına ümid etdiyini bildirib. Mövzu NATO Zirvə Toplantısı fonunda diqqət mərkəzindədir.

Portuqaliya hökuməti meşə yanğınları təhlükəsinin artması səbəbindən Avropa İttifaqı, İspaniya və Mərakeşdən əlavə yanğınsöndürmə təyyarələri üçün dəstək istəyib. Baş nazir Luiş Monteneqru bildirib ki, ölkə qarşıdakı günlərdə fövqəladə risklə üzləşəcək. Bir sıra bölgələrdə havanın temperaturu 40 dərəcəni keçib və qırmızı hava xəbərdarlığı elan olunub. Ölkədə xüsusi hazırlıq rejimi tətbiq edilir. Meşə ərazilərinə giriş məhdudlaşdırılıb və bəzi fəaliyyət növlərinə qadağa qoyulub. Hazırda altı meşə yanğını ilə mübarizə aparılır. Söndürmə işlərinə minlərlə əməkdaş, yüzlərlə texnika və onlarla təyyarə cəlb edilib.

Avropa İttifaqı ölkələrinin dövlət qurumları son illərdə İsrail şirkətləri ilə ümumi dəyəri 2,7 milyard avroya yaxın olan 194 müqavilə imzalayıb. Araşdırmada bu əməkdaşlığın Qəzza zolağında davam edən müharibəyə baxmayaraq davam etdiyi bildirilir. İspaniyanın bu dövrdə İsrail şirkətləri ilə 227 milyon avroluq 14 müqavilə bağladığı qeyd olunur. Ən iri müqavilə hava döyüş sistemlərinin alınması ilə bağlı olub. İspaniyanın polis qurumlarının da İsrail istehsalı olan qoruyucu jiletlər aldığı bildirilir. Məlumat Avropa ölkələrinin İsraillə iqtisadi əlaqələri ətrafında yeni müzakirələr yaradıb. Araşdırma dövlət satınalmalarının həcminin milyardlarla avro ilə ölçüldüyünü göstərir.

Futbol üzrə 2026-cı il Dünya Çempionatında pley-off həyəcanı pik həddə çatıb. Turnirin qrafikinə uyğun olaraq, bu gecə və sabah səhər saatlarında 1/16 final mərhələsinin daha üç maraqlı iddialı matçı baş tutacaq. Avropanın nəhəngləri növbəti mərhələyə yüksəlmək üçün bir-birlərini sınağa çəkəcəklər.