BAKI, AzerVoice
İran parlamenti Rusiya ilə hərtərəfli strateji tərəfdaşlıq sazişini təsdiqləyib.
AzerVoice xəbər verir ki, İran
parlamenti Rusiya ilə müxtəlif sahələrdə uzunmüddətli əməkdaşlığı
nəzərdə tutan “Hərtərəfli Strateji Tərəfdaşlıq Sazişi”ni rəsmi
şəkildə təsdiqləyib.
Saziş yanvarın 17-də İran prezidenti Məsud Pezeşkian və Rusiya
prezidenti Vladimir Putin tərəfindən imzalanıb.
İran Parlamenti Xəbər Agentliyinin (ICANA) məlumatına görə, sənəd iki ölkə arasında hərbi müdafiə, terrorizmlə mübarizə, iqtisadiyyat, ticarət, enerji, nəqliyyat, kənd təsərrüfatı və mədəniyyət sahələrində əməkdaşlığın dərinləşdirilməsini nəzərdə tutur. Bu addım Rusiya və İran arasında artan strateji yaxınlaşmanın daha da möhkəmləndirilməsi kimi qiymətləndirilir.
Qeyd edək ki, Rusiya Dövlət Duması və Federasiya Şurası da bu sazişi təsdiqləyib. İran isə 2021-ci ilin martında Çinlə də oxşar xarakterli strateji tərəfdaşlıq sazişi imzalamışdı.