BAKI, AzerVoice
ABŞ Maliyyə Nazirliyi İran İslam İnqilabı Keşikçiləri Korpusu (IRGC) adından ballistik raket avadanlıqlarının tədarükündə rol oynadıqlarına görə İran və Çindən olan 6 nəfər və 6 quruma qarşı sanksiyalar tətbiq edib. Bu barədə nazirliyin Xarici Aktivlərə Nəzarət Ofisi (OFAC) tərəfindən yayımlanan açıqlamada məlumat verilib.
AzerVoice xəbər verir ki, açıqlamada bildirilib ki, adıçəkilən şəxslər və qurumlar IRGC-nin ballistik raket proqramı ilə bağlı təchizat şəbəkəsində iştirak ediblər.
“İranın raket və digər silah qabiliyyətlərini aqressiv şəkildə inkişaf etdirməsi ABŞ və onun tərəfdaşlarının təhlükəsizliyini təhdid edir”. - deyə ABŞ maliyyə naziri Skott Bessent bildirib.