BAKI, AzerVoice
FED sədri Jerome Powell ABŞ-ın tarif siyasətinin yaxın aylarda inflyasiyaya təzyiq yaradacağını bildirib.
AzerVoice xəbər verir ki, Federal
Ehtiyat Sisteminin (FED) rəhbəri Jerome Powell SABEW-in illik
konfransında çıxış edərək, ABŞ iqtisadiyyatının hazırkı vəziyyətini
qiymətləndirib və qarşıdakı dövr üçün risklərə diqqət çəkib.
Powell, Prezident Donald Trampın yeni tarif qərarlarının iqtisadi
təsirləri barədə danışaraq, “Gələcəyə baxsaq, daha yüksək tariflər
iqtisadiyyatımıza təsir edəcək və ehtimal ki, qarşıdakı rüblərdə
inflyasiyanı yüksəldəcək” - deyə qeyd edib.
Qeyd edək ki, FED sədri inflyasiyanın hazırda bankın 2 faizlik hədəfindən bir qədər yuxarı olduğunu və bu göstəricinin nəzarətdə saxlanmasının əsas prioritet olaraq qaldığını bildirib. Powell əlavə edib ki, pul siyasətində dəyişiklik üçün daha çox aydınlıq gözlənilir və veriləcək qərarlar daxil olan məlumatlar əsasında formalaşacaq.