BAKI, AzerVoice, Nailə Babazadə

Türkiyənin Ticarət naziri Ömər Bolat, Türkiyə ilə ABŞ arasındakı iqtisadi münasibətlərdə bir sıçrayış mərhələsinin başlanğıcında olduqlarını bildirərək, iki ölkə arasında yaranan müsbət atmosferin daha çox investisiyaya və ixraca çevrilməsi üçün işlərin davam etdiriləcəyini bildirib.

AzerVoice xəbər verir ki, Birləşmiş Millətlər Təşkilatının (BMT) 80-ci Baş Assambleyası çərçivəsində Nyu-Yorkda olan Türkiyə Prezidenti Rəcəb Tayyib Ərdoğana müşayiət edən Bolat, ABŞ-dakı görüşlərinə dair dəyərləndirmələr verib.

Bolat, Türk və Amerika iş dünyasının nümayəndələri, investorlar və maliyyəçilərlə görüşlər və iclaslar keçirdiklərini, bu toplantıların bəzilərinə Ərdoğanın da sədrlik etdiyini bildirib.

Türkiyə-ABŞ ticarət əlaqələri və qarşılıqlı sərmayələr, turizm, enerji və digər iqtisadi məsələlərin müzakirə olunduğu bu görüşlərin olduqca məhsuldar keçdiyini vurğulayan Bolat, "Burada çox pozitiv bir atmosfer var idi. Türkiyədəki islahatlara, iqtisadi sabitlik və böyümə meyillərinə təriflər söyləndi, təqdirlər ifadə olundu və demək olar ki, hamısının sərmayələrini artırmaq planları var. Bu mövzuda nə qədər məbləğdə investisiya qoyacaqları üzərində işlədiklərini bildirdilər" deyə qeyd edib.

Nazir Bolat, 22 il ərzində milli gəlirin və xarici ticarətin artması ilə Türkiyənin etibarlı bir təchizat, sərmayə, logistika və istehsal mərkəzi olaraq qəbul edilməsinin xarici investorların marağını artırdığını bildirərək, "Türkiyədə iş görmək və Türkiyəni əsas mərkəz seçərək Avrasiya coğrafiyasında digər işlərini genişləndirmək və böyütmək niyyətindədirlər" – deyə danışıb.