BAKI,VOA,Yusif Şərifzadə
İranın xarici işlər naziri Abbas Əraqçi İsrailin milli təhlükəsizlik naziri İtamar Ben-Qvirin Livanla bağlı açıqlamalarını kəskin tənqid edib.
VOA xəbər verir ki, Əraqçi Ben-Qvirin Livanın "yanmalı olduğunu" deməsinə münasibət bildirərək bunun təsadüfi bir şəxsin fikri deyil, İsrail hakimiyyətində yüksək vəzifə tutan bir rəsmisinin rəsmi mövqeyi olduğunu vurğulayıb.
İranlı nazir bildirib ki, bu cür bəyanatlar bölgədə gərginliyi daha da artırır. Onun sözlərinə görə, Təl-Əvivdə yerləşən İsrail rəhbərliyi bütün bəşəriyyət üçün təhlükə yaradır.
Əraqçi İsraili davamlı qarşıdurma və müharibə siyasəti yürütməkdə ittiham edib. O qeyd edib ki, İsrailin əsas marağı sülh deyil, daimi müharibənin davam etməsidir.