BAKI,VOA,Yusif Şərifzadə
İran Xarici İşlər Nazirliyi ABŞ və İran arasında nəzərdə tutulan aralıq razılaşmanın imzalanması ilə bağlı yeni açıqlama verib.
VOA xəbər verir ki, XİN sözçüsü İsmayıl Bəqai sənədin ABŞ Prezidenti Donald Tramp və İran Prezidenti Məsud Pezeşkiyan tərəfindən imzalana biləcəyini bildirib.
O qeyd edib ki, bu ideya hələlik nəzərdən keçirilir və yekun qərar verilməyib.
Bəqai əlavə edib ki, İranın Cümə günü İsveçrədə keçiriləcək rəsmi imzalanma mərasiminə qatılma planında heç bir dəyişiklik yoxdur.
Onun sözlərinə görə, Tehran tərəfi prosesdə iştirakını təsdiqləyib.
İran daha əvvəl ABŞ tərəfini nümayəndə heyəti səviyyəsində, İranı isə parlament sədri Məhəmməd Baqir Qalibafın təmsil edəcəyini bildirmişdi.
Rəsmi şəxslər sənədin diplomatik mexanizmlərlə yekunlaşdırılacağını qeyd ediblər.
Mövzu ABŞ–İran danışıqları fonunda diqqət mərkəzində qalır.