BAKI,VOA,Yusif Şərifzadə
ABŞ-ın Tramp administrasiyasından yüksək səviyyəli rəsmi Reuters agentliyinə bildirib ki, hazırda masada olan Memorandum üzrə danışıqlar çox yaxşı vəziyyətdədir.
VOA xəbər verir ki, adı çəkilməyən rəsmi açıqlayıb: “Danışıqlar qrupu bizi çox yaxşı vəziyyətə gətirib, amma hələ yekun xəttə çatmamışıq, lakin razılaşmaya çox yaxınıq.”
O əlavə edib ki, İran tərəfi Memorandum imzalandığı və ya danışıqlar aparıldığı üçün heç bir maliyyə vəsaiti almayacaq, lakin razılaşmadakı öhdəlikləri yerinə yetirdikcə iqtisadi fayda əldə edəcək.
Rəsmi bildirib: “Əgər onlar vəd etdikləri kimi nüvə materialını təhvil verərlərsə, müvafiq fayda alacaqlar. Əgər nüvə proqramını və ya nüvə obyektlərini dağıtsalar, başqa faydalar əldə edəcəklər.”
Həmçinin o qeyd edib ki, İranın Ali Rəhbəri Müctəba Xamenei danışıqların gedişatından razıdır və tərəflər arasında vəziyyətlə bağlı narahatlıq yoxdur.