BAKI,VOA, Fərid Mikayılov
Qətər Müdafiə Nazirliyi İran tərəfindən buraxılan raketin ölkənin ərazi sularında hərəkətdə olan neft tankerinə isabət etdiyini bildirib.
VOA xəbər verir ki, nazirliyin "X" sosial media hesabında paylaşdığı məlumata görə, raketlərdən biri "QatarEnergy" şirkəti tərəfindən icarəyə götürülmüş neft tankerinə dəyib.rir.
Qətər hava hücumundan müdafiə qüvvələri atılan raketlərdən ikisini havada zərərsizləşdirə bilib. Lakin üçüncü raket tankerin göyərtəsinə dəyərək maddi ziyan vurub. Hadisənin baş verdiyi koordinatlar və tankerin hərəkət istiqaməti barədə əlavə təfərrüatlar araşdırılır.
Müdafiə Nazirliyi bildirib ki, zərbə nəticəsində tankerin 21 nəfərdən ibarət heyəti dərhal təxliyə edilib. İlkin məlumatlara görə, hadisə zamanı xəsarət alan və ya həlak olan olmayıb. Hazırda tankerdə yanğın riskinin olub-olmaması və dənizə neft sızması ehtimalı mütəxəssislər tərəfindən yoxlanılır.