ASELSAN tərəfindən yayımlanan 2025-ci il üzrə Fəaliyyət Hesabatı çərçivəsində, müdafiə sahəsində xaricdən asılılığın azaldılması məqsədilə həyata keçirilən milliləşdirmə işlərinin 2025-ci ildə də uğurla davam etdirildiyi bildirilib.

İstanbul Boğazında Türkiyə Yelken Federasiyasının (TYF) 2026-cı il fəaliyyət proqramı çərçivəsində keçirilən “HELLY HANSEN – SPORT WORKS BOSPHORUS RACE” yelkən yarışları səbəbilə tranzit gəmi keçidləri müvəqqəti dayandırılıb.

Türkiyə İslam dünyasının ən nüfuzlu reytinqlərindən biri hesab olunan "Global Muslim Travel Index" (Qlobal Müsəlman Səyahət İndeksi) hesabatında öz mövqeyini daha da möhkəmləndirərək zirvəyə yüksəlib. VOA xəbər verir ki, Türkiyə müsəlman istehlakçılar üçün ən cəlbedici və əlçatan ölkələr siyahısında ilk sırada qərarlaşıb.

İsrail və Türkiyə vətəndaşlığı olan Cessika Beçer İstanbulda saxlanıldıqdan sonra ABŞ tərəfinin müraciəti nəticəsində sərbəst buraxılıb və daha sonra üçüncü ölkə vasitəsilə İsrailə göndərilib.

Azadlıq donanması iştirakçılarından 59 nəfəri daşıyan təyyarə axşam saatlarında İstanbul hava limanına eniş edib. Bu şəxslər İsrail tərəfindən beynəlxalq sularda saxlanıldıqdan sonra azad edilərək Türkiyəyə göndərilib. Aktivistlər Qəzzaya humanitar yardım çatdırmaq məqsədilə təşkil olunan missiyada iştirak ediblər.

Türkiyə Xarici İşlər Nazirliyi İsrail tərəfindən Yunanıstan sahilləri yaxınlığında saxlanılan Beynəlxalq Azadlıq donanmasına qatılan 59 nəfərin, o cümlədən 20 Türkiyə vətəndaşının yaxın saatlarda İstanbula gətiriləcəyini açıqlayıb.

Türkiyənin xarici işlər naziri Hakan Fidan İranın xarici işlər naziri Abbas Əraqçi ilə telefon danışığı aparıb. Görüş zamanı İran ilə ABŞ arasında davam edən danışıqlar prosesinin son vəziyyəti müzakirə olunub.

Türkiyədə beynəlxalq hüquqi əməkdaşlıq imkanlarının genişləndirilməsi istiqamətində yeni addım atılıb. Ədliyyə naziri Akın Gürlek 16 yeni məhkəmədə beynəlxalq cinayət işləri üzrə əməkdaşlıq bürolarının yaradıldığını açıqlayıb.

İstanbul Valiliyi tərəfindən 1 May Əmək və Həmrəylik Günü ilə əlaqədar şəhərin bir sıra rayonlarında yollar, metro stansiyaları və dəniz nəqliyyatı məhdudlaşdırılıb. Bildirilib ki, Taksim, Şişhane və Osmanbey metro stansiyaları bağlanıb, bəzi tramvay və funikulyor xətləri üzrə hərəkət dayandırılıb. Eyni zamanda dəniz nəqliyyatında da məhdudiyyətlər tətbiq olunub.

Türkiyənin Xarici işlər naziri Hakan Fidan ilə Yunanıstanın Xarici işlər naziri Yorgo Gerapetritis arasında telefon danışığı baş tutub. Türkiyə Xarici İşlər Nazirliyindən əldə edilən məlumata görə, nazirlər görüş zamanı İsrail ordusunun "Qlobal Sumud" (Global Sumud Flotilla) yardım gəmilərinə qarşı həyata keçirdiyi hərbi müdaxiləni müzakirə ediblər. Tərəflər bölgədəki son vəziyyət və beynəlxalq hüququn pozulması halları ətrafında fikir mübadiləsi aparıblar.

Türkiyə Prezident Administrasiyasının Kommunikasiya idarəsinin rəhbəri Burhanettin Duranın sosial media hesabında paylaşdığı məlumata görə, Prezident Rəcəb Tayyib Ərdoğan MHP lideri Devlet Bahçelini qəbul edəcək. Görüş bu gün saat 17:30-da Prezident iqamətgahında baş tutacaq. Görüşdə aktual siyasi məsələlərin və "Cumhur İttifaqı"nın gələcək fəaliyyət istiqamətlərinin müzakirə olunacağı gözlənilir.

Türk dünyasının mühəndislik, texnologiya və ticari əməkdaşlıq potensialını yeni və daha strateji bir mərhələyə daşımaq məqsədilə keçirilən IV Türk Dünyası Beynəlxalq Mühəndislik Zirvəsi, 5-8 may 2026-cı il tarixlərində paytaxt Bakıda, "JW Marriott Absheron" otelində işinə başlayır. 500-dən çox nüfuzlu sahibkarın iştirak edəcəyi bu mötəbər tədbir regionun ən güclü ticari diplomatiya platformalarından biri kimi qiymətləndirilir.