BAKI,VOA, Fərid Mikayılov
İstanbul Valiliyi tərəfindən 1 May Əmək və Həmrəylik Günü ilə əlaqədar şəhərin bir sıra rayonlarında yollar, metro stansiyaları və dəniz nəqliyyatı məhdudlaşdırılıb .
VOA xəbər verir ki, qərar Beyoğlu, Beşiktaş, Şişli, Fatih, Kadıköy və Kartal rayonlarını əhatə edir və tədbirlər səhər saat 05:00-dan etibarən qüvvəyə minib.
Bildirilib ki, Taksim, Şişhane və Osmanbey metro stansiyaları bağlanıb, bəzi tramvay və funikulyor xətləri üzrə hərəkət dayandırılıb. Eyni zamanda dəniz nəqliyyatında da məhdudiyyətlər tətbiq olunub.
Qeyd olunub ki, bu addımlar sosial şəbəkələrdə qanunsuz aksiyalara çağırışların artması fonunda təhlükəsizliyin təmin edilməsi məqsədilə atılıb.
Valilik yalnız rəsmi icazə verilmiş mitinqlərin keçiriləcəyini, digər bütün icazəsiz aksiyaların qarşısının alınacağını vurğulayıb.