BAKI,VOA, Fərid Mikayılov

Türkiyə Milli Müdafiə Nazirliyi (MSB), ROKETSAN tərəfindən hazırlanan TAYFUN Blok-2 qısa mənzilli ballistik raketinin müxtəlif sayda partiyasının müayinə və qəbul fəaliyyətlərinin rəsmən tamamlandığını və Quru Qoşunları Komutanlığının istifadəsinə verildiyini elan edib.

VOA xəbər verir ki, nazirliyin Mətbuat və İctimaiyyətlə Əlaqələr Müşaviri Zeki Aktürk, Türk Quru Qoşunlarının rəsmi 2235-ci quruluş ildönümü münasibətilə keçirilən həftəlik brifinqdə hərbi sahədəki son yeniliklərlə yanaşı, Kıbrıs məsələsi, NATO Patriot missiyası və regional gərginliklərlə bağlı kritik açıqlamalar verib.

Aktürk qeyd edib ki, müdafiə sənayesindəki modernizasiya çərçivəsində TAYFUN Blok-2 raketləri ilə yanaşı Silah Daşıyıcı Maşınlar, Karayel karinalı kater sistemləri və mühüm hərbi mühimmatların tədarük prosesi yekunlaşıb. Həmçinin brifinqdə, Almaniyaya məxsus bir ədəd PATRIOT Hava Müdafiə Sisteminin 24 iyun 2026-cı il tarixində Kürecik/Malatyada missiyanı ABŞ-dən təhvil aldığı, eyni zamanda Beynəlxalq Anadolu Qartalı təlimlərinin NATO Zirvəsi səbəbindən format dəyişdirərək Türkiyə, Azərbaycan və Misirin iştirakı ilə "3-lü Qartalı Tatbikatı" kimi davam etdiyi vurğulanıb.