BAKI,VOA Orxan Qədirzadə
Rəcəb Tayyib Ərdoğan Əlcəzair Prezidenti Əbdülməcid Təbbun ilə telefon danışığı zamanı Ankara ilə Əlcəzair arasında əməkdaşlığın daha da genişləndirilməsi istiqamətində işlərin davam etdiyini bildirib.
Türkiyə Prezident Administrasiyasının yaydığı məlumata görə, Türkiyə lideri xüsusilə ticarət, energetika və müdafiə sənayesi sahələrində əməkdaşlığın inkişafına xüsusi önəm verildiyini vurğulayıb.
Ərdoğan qeyd edib ki, Türkiyə həm regionda, həm də beynəlxalq arenada sülh və sabitliyin təmin olunması istiqamətində səylərini artırmaqda davam edəcək.
Telefon danışığı zamanı Türkiyə Prezidenti Əbdülməcid Təbbunu və Əlcəzair xalqını Qurban bayramı münasibətilə də təbrik edib.