BAKI,VOA, Nailə Babazadə
Türkiyənin Enerji və Təbii Sərvətlər naziri Alparslan Bayraktar ölkənin enerji müstəqilliyi hədəfi istiqamətində mühüm addımların atıldığını bəyan edib.
VOA xəbər verir ki, nazir bildirib ki, "Abdülhamid Han" qazma gəmisi sabah səhər saatlarından etibarən Qara dənizdə fəaliyyətə başlayacaq. Bununla yanaşı, aprel ayında "Fatih" gəmisi ilə yeni quyuların qazılması və Somali sahillərində araşdırmaların aparılması planlaşdırılır.
Regional gərginliklərə toxunan nazir, ABŞ və İsrailin İrana hücumlarının Türkiyənin enerji təchizatına mənfi təsir göstərmədiyini vurğulayıb. Bayraktar qeyd edib ki, Türkiyənin enerji infrastrukturu və mənbələrin şaxələndirilməsi siyasəti ölkəni qlobal böhranlar qarşısında "təhlükəsiz liman" statusunda saxlayır. Hürmüz boğazındakı neft axınının dayanmasına baxmayaraq, Türkiyənin bu bölgəyə asılılığı cəmi 10-15% səviyyəsindədir və bu, tamamilə idarəolunandır.