BAKI,VOA, Fərid Mikayılov
İsrailin müdafiə naziri İsrael Katz İranın İsrailə qarşı mümkün hücumuna münasibət bildirib.
VOA xəbər verir ki, Katz sosial şəbəkə hesabında etdiyi paylaşımda İranın İsrailə hücum edəcəyi təqdirdə “ən böyük səhvini edəcəyini” iddia edib.
İsrail müdafiə naziri İran İnqilab Keşikçiləri Korpusunun (SEPAH) komandirinin son günlər İsraili davamlı təhdid etdiyini qeyd edib.
“Onların nə Hörmüz boğazı, nə də mülki şəxslərə qarşı hücumları kömək edəcək. Heç nə bizi dayandıra bilməz. Qüvvələrimiz işi başa çatdırmağa hazırdır”, - deyə Katz bildirib.