BAKI,VOA, Nailə Babazadə

ABŞ-ın "Axios" xəbər saytı Türkiyənin son iki gündür ABŞ ilə İran arasındakı kritik mesaj trafikini idarə edən əsas ölkələrdən biri olduğunu bildirib. Prosesə Misir və Pakistan da qoşulub.

VOA xəbər verir ki, Türkiyə, Misir və Pakistanla birlikdə gərginliyi azaltmaq məqsədilə ABŞ və İran arasında vasitəçilik missiyasını həyata keçirir. Tərəflər arasında intensiv mesaj mübadiləsi davam edir.

Yaxın Şərqdə artan gərginliyi səngitmək üçün aparılan diplomatik səylərdə Türkiyə kilit rol üstlənib. Saytın baş müxbiri Barak Ravidin amerikalı mənbələrə istinadən verdiyi xəbərə görə, Ankara son iki gündür Vaşinqton və Tehran rəhbərlikləri arasında "məkiy diplomasiyası" (mekik diplomasisi) yürüdür.

Türkiyə ilə yanaşı prosesdə iştirak edən Misir və Pakistanın yüksək rütbəli rəsmiləri Ağ Ev nümayəndəsi Stiv Vitkoff və İranın xarici işlər naziri Abbas Əraqçi ilə ayrı-ayrılıqda görüşlər keçiriblər. Mesaj trafikini idarə edən ölkələrin başında gələn Türkiyə, böhranın daha geniş əraziyə yayılmasının qarşısını almaq üçün tərəflər arasında birbaşa ünsiyyəti təmin edir.
"Müharibəni dayandırmağı müzakirə edirik"

Amerikalı bir rəsmi üç ölkənin apardığı diplomatiyanın hədəflərini bu sözlərlə xülasə edib:

"Vasitəçilik prosesi davam edir və irəliləyiş qeydə alınır. Müzakirələr müharibəni tamamilə dayandırmaq və asılı qalan bütün problemləri həll etmək üzərində qurulub. Yaxın vaxtda cavablar alacağımıza ümid edirik."