BAKI,VOA, Nailə Babazadə

Türkiyə Milli Müdafiə Nazirliyi (MSB) ABŞ və İsrailin İrana hücumlarından sonra Türkiyə sərhədinə doğru böyük köç dalğasının başladığı barədə yayılan xəbərlərin həqiqəti əks etdirmədiyini bildirib. Nazirliyin həftəlik mətbuatı məlumatlandırma toplantısında sərhəd təhlükəsizliyi və regional proseslərlə bağlı mühüm açıqlamalar verilib.

VOA xəbər verir ki, nazirlik mənbələri sosial mediada yayılan görüntülərin həqiqətdən uzaq və manipulyativ olduğunu vurğulayıb.

"İrandan sərhədlərimizə doğru kütləvi köç hərəkətliliyinin olması barədə paylaşımlar reallığı əks etdirmir. Sərhəd təhlükəsizliyimiz 7/24 əsasında, cümhuriyyət tarixinin ən yüksək texnoloji imkanları və qədəməli tədbirləri ilə təmin olunur". - deyə qeyd edilib.

Türkiyənin İrana qarşı hücumlarla bağlı mövqeyini xatırladan nazirlik, hərbi əməliyyatların dərhal dayandırılmasının vacibliyini qeyd edib: "Türkiyə olaraq prioritetimiz hücumların dayandırılması, qalıcı atəşkəsin təmin edilməsi və bütün münaqişələrin sülh yolu ilə həllidir. Tərəfləri problemləri diplomatiya vasitəsilə həll etməyə dəvət edirik".

PKK terror təşkilatının İran qolu olan PJAK-ın fəaliyyətləri ilə bağlı sualı cavablandıran MSB rəsmiləri bildiriblər ki, bu cür etnik bölücü strukturlar təkcə İranın deyil, bütün regionun sabitliyinə təhdid yaradır. Türkiyənin bu prosesləri dövlətin müvafiq qurumları ilə koordinasiyalı şəkildə yaxından izlədiyi vurğulanıb.

Kiprdəki vəziyyət və Şimali Kipr Türk Cümhuriyyətinin (ŞKTC) təhlükəsizliyinə dair verilən suala isə nazirlik qətiyyətli cavab verib: "Kipr türklərinin təhlükəsizliyini təhdid edən istənilən düşmən münasibətə qarşı qarantlıq hüququmuzun bizə verdiyi səlahiyyətlərdən istifadə etməkdən çəkinməyəcəyik".