BAKI,VOA, Fərid Mikayılov

Türkiyə Respublikası Milli Müdafiə Nazirliyi (MSB) tərəfindən keçirilən həftəlik mətbuat brifinqində Şərqi Aralıq dənizindəki hərbi-siyasi vəziyyət və Şimali Kipr Türk Cümhuriyyətinin (ŞKTC) təhlükəsizliyi ilə bağlı çox sərt bəyanatlar səsləndirilib.

VOA xəbər verir ki, Rəsmi Ankara, Fransa ilə Cənubi Kipr Rum Administrasiyası (GKRY) arasında imzalanan "Qüvvələrin statusu sazişi"nə kəskin etiraz edərək, bu addımı regionda sabitliyi pozmağa yönəlmiş növbəti təxribat adlandırıb.

Nazirliyin bəyanatında bildirilir ki, Kiprdə heç bir söz haqqı olmayan Fransanın rum tərəfi ilə imzaladığı bu sənəd 1960-cı il Kipr müqavilələrinə və beynəlxalq hüquqa tamamilə ziddir.

Milli Müdafiə Nazirliyi rəsmi Afina və Lefkoşanın son loqistik addımlarının adanın cənubu üçün təhlükəli nəticələr doğura biləcəyi barədə xəbərdarlıq edib.

"Türkiyə və ŞKTC-nin hüquq və mənafelərini hədəf alan heç bir hərbi ittifaqın Türkiyəyə qarşı uğur qazanmaq şansı yoxdur," – deyə vurğulayan nazirlik, Türk Silahlı Qüvvələrinin (TSK) Kipr türklərinin təhlükəsizliyini təhdid edən hər hansı düşmən mövqeyinə qarşı ən sərt cavabı verməyə tam hazır və qərarlı olduğunu bəyan edib.