BAKI,VOA, Fərid Mikayılov

Türkiyənin gəmidə yerləşən silahlı insansız hava aparatı (PUA) Bayraktar TB3, NATO-nun Steadfast Dart 2026 təlimi çərçivəsində Eurofighter Typhoon döyüş təyyarələri ilə birgə uçuş icra edib.

VOA xəbər verir ki, TB3, 8 saat havada qalaraq 1700 kilometr məsafəni qət edib və əməliyyat dayaqlılığını sübut edib.

Təlim zamanı TCG ANADOLU gəmisindən havalanan Bayraktar TB3, NATO hava qüvvələrinin intensiv fəaliyyət göstərdiyi Baltik bölgəsində koordinasiyalı uçuş qabiliyyətini nümayiş etdirdi.

Haluk Bayraktar bildirib ki, TB3-ün Eurofighter-larla birgə icra etdiyi əməliyyat dayanıqlılıq, rabitə və birgə əməliyyat qabiliyyətlərini ortaya qoyub.

Bayraktar TB3-ün NATO ilə birgə uçuşu Türkiyənin insansız hava sistemlərinin NATO standartlarına uyğunluğunu göstərir. İnsanlı və insansız platformaların birlikdə işləməsi, gələcəyin döyüş konsepti üçün əhəmiyyətli bir testdir.

Türkiyənin Eurofighter Typhoon döyüş təyyarələrini Hava Qüvvələrinə inteqrasiya etməsi ilə TB3 kimi platformaların birgə işləmə qabiliyyəti (interoperability) kritik əhəmiyyət daşıyır və Türk müdafiə sənayesinin beynəlxalq inteqrasiya imkanlarını gücləndirir.

Təlim zamanı TCG ANADOLU gəmisindən havalanan Bayraktar TB3, NATO hava qüvvələrinin intensiv fəaliyyət göstərdiyi Baltik bölgəsində koordinasiyalı uçuş qabiliyyətini nümayiş etdirdi.