BAKI,VOA, Fərid Mikayılov
Almaniyanın WELT qəzeti Türkiyənin müdafiə sənayesində əldə etdiyi uğurları gündəmə gətirərək, Almaniya hökumətinin Türk istehsalı uzun mənzilli raket sistemlərinə marağını qeyd edib.
VOA xəbər verir ki, qəzet, ABŞ-ın Tomahawk raket planını dayandırmasından sonra Berlinin alternativ axtarışına yönəldiyini və Türkiyənin “Yıldırımhan” qitələrarası ballistik raket sistemi ilə “Tayfun Blok-4” hipersonik raketini qiymətləndirməyə başladığını yazıb.
Mümkün razılaşmanın NATO Zirvəsi zamanı açıqlana biləcəyi vurğulanıb.
Mütəxəssislər “Yıldırımhan” raketinin NATO-da məhdud sayda ölkənin malik olduğu bir texnologiya olduğunu bildirərək, Almaniyada diqqət çəkdiyini qeyd ediblər. Roketsan tərəfindən hazırlanmış Tayfun Blok-4 hipersonik raketinin isə artıq kütləvi istehsala hazır olduğu bildirilib.
Qəzet həmçinin Türkiyənin Bayraktar PUA-ları və milli döyüş təyyarəsi KAAN layihəsinin də Avropada diqqət çəkdiyini qeyd edib. Xüsusilə TUSAŞ və BAE Systems-in layihəyə İspaniyanın da maraq göstərdiyi vurğulanıb.