BAKI, AzerVoice, Nailə Babazadə
Türkiyə Prezidenti yanında Müdafiə Sənayesi Başçısı (SSB) Haluk Görgün bildirib ki, Türkiyənin müdafiə və aviasiya sənayesi ixracı bu il 8,5 milyard dollara çatıb.
AzerVoice xəbər verir ki, İstanbul Sənaye Palatası (İSO) və SAHA İstanbul tərəfindən təşkil olunan və Türkiyənin milli və yerli müdafiə sənayesinə töhfə verməyi hədəfləyən “Müdafiə Sənayesi Görüşləri” tədbiri bu il yeddinci dəfə keçirilib. Zirvədə sektorun müxtəlif sahələrindən nümayəndələr iştirak edib.
Tədbirin açılışında çıxış edən SSB başçısı Haluk Görgün, müdafiə və aviasiya sənayesindəki son inkişafları qiymətləndirib və ixrac göstəricilərinə diqqət çəkib. Görgün qeyd edib ki, bu il sektorda ixrac həcmi 8,5 milyard dollara çatıb, bu da Türkiyə müdafiə sənayesinin gücünü və beynəlxalq bazarlardakı artan rolunu nümayiş etdirir.