BAKI, AzerVoice, Nailə Babazadə

Milliyyətçi Hərəkat Partiyasının (MHP) sədri Dövlət Baxçalı gündəmə dair açıqlamalar verib. Bahçeli, Terrorsuz Türkiyə hədəfinə çatmaq üçün "Məclisin yüksək bir töhfəsi olduğunu" bildirib.

AzerVoice xəbər verir ki, Devlet Bahçeli Terrorsuz Türkiyə məqsədilə yaradılan komissiya işlərini dəyərləndirib.

“Məclisin yüksək töhfəsi var” deyən Bahçeli, vətəndaş cəmiyyətlərinin iştirakı və siyasi partiya təmsilçilərinin prosesdə yer almasının çox vacib olduğunu vurğulayıb.

"Bunlar dövlət siyasəti olaraq işi qətiyyətli və ardıcıl şəkildə nəticələndirmək üçün atılmış sağlam addımlardır" - deyə Bahçeli əlavə edib.

Bir qəzetə verdiyi açıqlamada Bahçeli, Cümhuriyyət Xalq Partiyasının (CHP) məhkəmə qərarlarına qarşı reaksiyasını da tənqid edib.

“Məhkəmə qərarını tanımırıq” deyə bir vəziyyət ola bilməz. Məhkəmə bir qərar veribsə, onu qəbul edib, qərarın gərəkdirdiyini yerinə yetirməlidirlər" -deyə bildirib.

Milliyyətçi Hərəkat Partiyasının (MHP) sədri eyni zamanda CHP-nin İstanbul Bələdiyyə Qurultayının ləğv olunmasına da münasibət bildirib.

"Bu, CHP-nin daxili məsələsidir. Daxildə bu vəziyyəti həll edəcəklərini düşünürəm" - deyə əlavə edib.