Maliyyə Cinayətlərini Araşdırma İdarəsi (MASAK) Əkrəm İmamoğlunun oğlu Səlim İmamoğlunun Xorvatiyada təsis etdiyi Tectum Investment D.O.O. şirkətindəki maliyyə əməliyyatlarını araşdırıb və ciddi uyğunsuzluqlar aşkar edib. MASAK-ın 4 may 2025-ci il tarixli hesabatına görə, Səlim İmamoğlu 2023–2025-ci illər arasında şirkətə 7 ayrı transferlə ümumilikdə 388 min 63 avro göndərib.

İstanbul Böyükşəhər Bələdiyyəsinə qarşı aparılan cinayət işi üzrə hazırlanan ittiham aktı İstanbul Baş Prokurorluğu tərəfindən tamamlanaraq ictimaiyyətə açıqlanıb.

İstanbul Böyükşəhər Bələdiyyə Başçısı vəzifəsindən uzaqlaşdırılan Ekrem İmamoğlu, bakalavr diplomunun saxta olduğu iddiası ilə “zəncirvari şəkildə rəsmi sənəddə saxtakarlıq” ittihamı üzrə mühakimə olunur. Prokurorluq İmamoğlu üçün 2 il 6 aydan 8 il 9 aya qədər həbs cəzası tələb edir. İş üzrə məhkəmə iclası, İstanbul Ədliyyəsindəki 59-cu Asliye Cinayət Məhkəməsi zalının yetersiz qalması səbəbindən Silivridəki Marmara Qapalı Cəza İnfaz Müəssisəsinin 1 nömrəli zalında keçirilir.

İstanbul Böyükşəhər Bələdiyyəsi (İBB) şəhər miqyasında binaların ikinci mərhələ qiymətləndirmə metodları ilə zəlzələ risk performanslarının müəyyən olunması üçün xidmət satın alacaq. Tenderdə yerli və əcnəbi şirkətlər iştirak edə bilər. İşin icra müddəti 365 gün təşkil edir.

Milliyyətçi Hərəkat Partiyasının (MHP) sədri Dövlət Baxçalı gündəmə dair açıqlamalar verib. Bahçeli, Terrorsuz Türkiyə hədəfinə çatmaq üçün "Məclisin yüksək bir töhfəsi olduğunu" bildirib. Devlet Bahçeli Terrorsuz Türkiyə məqsədilə yaradılan komissiya işlərini dəyərləndirib. “Məclisin yüksək töhfəsi var” deyən Bahçeli, vətəndaş cəmiyyətlərinin iştirakı və siyasi partiya təmsilçilərinin prosesdə yer almasının çox vacib olduğunu vurğulayıb.

İstanbul Böyükşəhər Bələdiyyəsinə (İBB) yönəlik korrupsiya araşdırması çərçivəsində Avcılar və Beşiktaş bələdiyyələrində çalışan 7 nəfər haqqında həbs qərarı çıxarılıb. Aparılan istintaq çərçivəsində bələdiyyələrdə keçirilən tenderlərdə qanunsuzluq və korrupsiya halları üzə çıxarılıb.

İstanbul 45-ci Asliye Hüquq Məhkəməsi CHP-nin İstanbul vilayət konqresini ləğv edib. Vilayət sədri Özgür Çelik və mövcud rəhbərlik vəzifədən kənarlaşdırılıb. Vilayət təşkilatının idarə olunması üçün müvəqqəti olaraq Gürsel Tekinin də daxil olduğu 5 nəfərlik heyət təyin edilib. Şikayətçi Özlem Erkan, məhkəməyə təqdim etdiyi ərizəsində konqres zamanı nümayəndələrin səslərinin pul, hədiyyələr və iş vədləri ilə yönləndirildiyini, səsvermədə isə qanunsuzluqların baş verdiyini irəli sürüb. İstanbul Baş Prokurorluğu tərəfindən aparılan istintaqlar və yayılan səs yazıları da bu iddiaları dəstəkləyib.

2025-ci ilin mart ayından bəri davam edən İstanbul Böyükşəhər Bələdiyyəsinə (İBB) qarşı korrupsiya araşdırmasında şübhəli şəxslərin sayı 330-a çatıb. İstintaq çərçivəsində İBB-nin bələdiyyə sədrinin müşaviri və İBB Medya AŞ-nin İdarə Heyətinin sədri Murat Ongun’un “müşaviri” kimi özünü təqdim edən Emrah Bağdatlı və iş adamı Murat Gülibrahimoğlu ilə birlikdə 10 şübhəlinin tutulması üçün əməliyyatlar davam etdirilir.

Saxlanılma hadisəsi ilə bağlı məlumatı bir neçə Türkiyə mətbuatı, o cümlədən “A Haber” və digər X platformasındakı mənbələr yayıb. Nusret Yılmazın polis müşayiəti ilə Trabzondan İstanbula aparılmaqda olduğu bildirilib. Təfərrüatlar hələlik məlum olmasa da, İstanbul Respublika Baş Prokurorluğunun 2024-cü ildə başlatdığı və Əkrəm İmamoğlu ilə yanaşı 99 şübhəlinin də daxil olduğu “İmamoğlu Suç Örgütü Yolsuzluk Soruşturması” ilə əlaqəli olduğu ehtimal edilir. İstintaq çərçivəsində “cinayət təşkilatına üzv olmaq”, “rüşvət” və “tender saxtakarlığı” kimi ittihamlar irəli sürülüb. Qeyd edək ki, Əkrəm İmamoğlunun digər vəkili Mehmet Pehlivan da oxşar ittihamlarla saxlanılmış, lakin şərti olaraq azad buraxılmışdı.

Türkiyə Daxili İşlər Nazirliyi Güneyin İstanbul Böyükşəhər Bələdiyyəsi ilə bağlı aparılan istintaq çərçivəsində saxlanılaraq həbs edildiyini və vəzifədən kənarlaşdırıldığını açıqlayıb. Qeyd edək ki,İstanbul Baş Prokurorluğu tərəfindən aparılan istintaqda “cinayət təşkilatına rəhbərlik”, “cinayət təşkilatına üzv olmaq”, “qəsbkarlıq”, “rüşvət alma”, “ağırlaşdırılmış fırıldaqçılıq”, “dələduzluq” və “tender saxtakarlığı” kimi ittihamlarda müqəssir bilinən Beyoğlu Bələdiyyə Başçısı İnan Güney və daha 39 nəfər Avqustun 15-də saxlanılmışdı.

İstanbul Böyükşəhər Bələdiyyəsində (İBB) korrupsiya istintaqı çərçivəsində saxlanılan Beyoğlu Bələdiyyə Başçısı İnan Güney də daxil olmaqla 44 nəfər ədliyyəyə sövq olunub. Daha bir nəfərin saxlanılması ilə şübhəlilərin ümumi sayı 45-ə yüksəlib. İstanbul Baş Prokurorluğunun apardığı istintaqa əsasən, Medya A.Ş., Kültür A.Ş. və İBB daxilində müxtəlif fırıldaqçılıq fəaliyyətlərində iştirak etdikləri müəyyən edilən 35 nəfər, eləcə də Murat Ongun və qaçaq vəziyyətdə olan Emrah Bağdatlı ilə əlaqəsi olduğu iddia edilən 9 nəfər saxlanılıb

İstanbul Baş Prokurorluğu tərəfindən aparılan istintaq “cinayət təşkilatına rəhbərlik”, “cinayət təşkilatına üzv olmaq”, “qəsbkarlıq”, “rüşvət alma”, “ağırlaşdırılmış fırıldaqçılıq”, “dələduzluq” və “tender saxtakarlığı” kimi ittihamları əhatə edir. Araşdırmalar zamanı şübhəli Murat Ongun və qaçaqda olan Emrah Bağdatlı ilə əlaqəli, Medya A.Ş., Kültür A.Ş. və İstanbul Böyükşəhər Bələdiyyəsində müxtəlif fırıldaqçılıq fəaliyyətlərində iştirak etməkdə şübhəli bilinən 35 nəfər müəyyən edilib.