BAKI, AzerVoice, Zeynəb Raminqızı

Tarixi dönüş nöqtəsindəyik.

AzerVoice xəbər verir ki, Türkiyə Böyük Millət Məclisi(TBMM) sədri Numan Kurtulmuş “Terrorsuz Türkiyə” məqsədinə çatmaq üçün yaradılacaq komissiyanın ilk iclasında çıxış edir.

"Tarixi dönüş nöqtəsindəyik. Yeni bir dövrün başlanğıcının şahidiyik. Bu komissiya sıradan bir komitə deyil, millətin iradəsini ifadə edir"- deyə o qeyd edib.

TBMM sədri Numan Kurtulmuş açılış zamanı bu komissiyanın sıradan bir qanunverici qurum olmadığını deyərək, onu “gələcəyi düzəltmək, cəsarət və sosial inteqrasiyanı gücləndirmək iradəsini əks etdirən tarixi” bir struktur adlandırıb. O bildirib ki, komissiya parlamentdə millətin iradəsini təmsil edən, ictimai sülh və qardaşlıq mesajını çatdıran təməl qurum olacaq.

Kurtulmuş həmçinin qeyd edib ki, bu komissiya terrorun nəinki fiziki varlığı, həm də fikir ayrıları ilə aralarındakı qardaşlığı pozmaq istəyən qurumlara qarşı duruş olacaq. “Bizim əsas qayğımız qardaşlığın təminatıdır”, — deyə o vurğulayıb.

TBMM sədri terror aktlarının Türkiyəyə vurduğu ağır zərbələri xatırladaraq, “terror bu torpaqlarda təkcə canımızı deyil, həm də əməyimizi, ümidimizi, ortaq arzumuzu oğurlayıb” fikrini səsləndirib. Kurtulmuş əlavə edib ki, terrorla mübarizə yalnız təhlükəsizlik tədbirləri ilə məhdudlaşmamalı, həm də sosial və ruhani bərabərliklə möhkəmləndirilməlidir.

Kurtulmuş belə bir mesaj verib: “Terrorsuz Türkiyə mahiyyət etibarı ilə terrordan azad bir bölgəni ifadə edir.” O bildirib ki, hər bir addım sülh və qardaşlığı möhkəmləndirməyə yönəlməlidir.