BAKI, AzerVoice
Səudiyyə Ərəbistanının enerji nəhəngi ACWA Power, Türkiyədə 2 milyard dollarlıq enerji investisiyasına hazırlaşır.
AzerVoice xəbər verir ki, ACWA Power Yaxın Şərq, Afrika və Asiyada fəaliyyət göstərir və Türkiyədə günəş enerjisi investisiyası üçün son mərhələyə çatıb.
Sivas və Karaman bölgələrində hər biri 1 qiqavat gücündə günəş elektrik stansiyası qurmağa hazırlaşan ACWA Power üçün Akkuyu və TANAP layihələrində tətbiq edilən hökumətlərarası razılaşma modeli nəzərdə tutulur.
Eyni zamanda, stansiyada istifadə ediləcək panellər və avadanlıqlar üçün yerli istehsal şərti qoyulan ACWA Power-ın Türkiyədə fəaliyyət göstərən şirkətlərlə təmas quraraq təkliflər istədiyi bildirilib.
Şirkətin Kırıkkalədə 950 meqavat gücündə təbii qaz stansiyası yatırımı da mövcuddur. Günəş elektrik stansiyalarında isə 30 illik alım zəmanəti planlaşdırılır.
Sivas və Karaman bölgələrində tikiləcək stansiyaların bərpa olunan enerji sahəsində tək bir investor tərəfindən həyata keçirilən ən böyük layihələrdən biri olacağı gözlənilir.
ACWA Power-ın Türkiyədə daha çox investisiya planlaşdırdığı, 2 qiqavatlıq layihənin yaxın vaxtlarda daha da genişlənə biləcəyi qeyd olunur.