Bakı,AzerVoice

Türkiyənin ilk unikal helikopteri GÖKBEY, ilk beynəlxalq uçuş nümayişi ilə Türkiyənin aviasiya texnologiyasındakı irəliləyişini və beynəlxalq arenada rəqabət qabiliyyətini nümayiş etdirdi.

AzerVoice xəbər verir ki, Türk Aerokosmik Sənayesi (TUSAŞ) tərəfindən hazırlanan GÖKBEY, ilk beynəlxalq uçuş nümayişini İngiltərədə keçirib.

Dünyanın aviasiya, müdafiə və kosmos sənayesinin ən prestijli tədbirlərindən biri olan Farnborough Beynəlxalq Aviasiya Sərgisinin ilk günündə Türkiyənin milli təyyarələrindən biri olan GÖKBEY yeddi dəqiqəlik uçuş nümayişi nümayiş etdirib

"Ölkəmiz üçün T625 GÖKBEY-in Farnboroughda uçması çox vacibdir. Məhsulumuza ciddi tələbat var. Qısa müddətdə bir çox platformamız üçün ixrac xəbərləri təqdim etmək istərdik",- deyə TUSAŞ baş direktoru Mehmet Demiroğlu bildirib.

GÖKBEY 22-26 iyul tarixlərində keçiriləcək tədbirdə dörd uçuş həyata keçirəcək.

TUSAŞ sərgi çərçivəsində inkişaf etdirdiyi digər texnologiya məhsullarını və platformalarını da nümayiş etdirəcək.

Bu çərçivədə PUA ailəsindən HÜRJET, HÜRKUŞ, T129 ATAK Helikopteri, GÖKBEY və AKSUNGUR, ANKA və ANKA III reaktiv təlim təyyarələrinin 1/7 modelləri, həmçinin GÖKBEY və HÜRJET-in tək-tək miqyaslı modelləri də nümayiş olunacaq.