BAKI,VOA, Fərid Mikayılov
Türkiyə Respublikası Milli Müdafiə Nazirliyi (MSB) Amerika Birləşmiş Ştatları və İran İslam Respublikası arasında hərbi gərginliyin və münaqişələrin dayandırılması məqsədilə əldə olunan rəsmi memorandumu dəstəklədiyini bəyan edib.
VOA xəbər verir ki, nazirliyin sözçüsü Zeki Aktürk, Türk Aviasiya və Kosmos Sənayesi Səhmdar Cəmiyyətinin (TUSAŞ) yaradılmasının 53-cü ildönümü münasibətilə təşkil edilən həftəlik mətbuat brifinqində çıxış edib.
Regional təhlükəsizlik və müdafiə sənayesi mövzularına toxunan nazirlik sözçüsü, Vaşinqton və Tehran arasında əldə edilən sülh addımını Ankaranın rəsmən alqışladığını bildirib.
"ABŞ ilə İran arasında münaqişələrin sona çatdırılması məqsədilə əldə olunmuş memorandumu məmnuniyyətlə qarşılayır, sözügedən sənədin regionda qalıcı sülh, təhlükəsizlik və sabitliyə mühüm töhfə verməsini arzu edirik"- deyə o bildirib.