Türkiyənin müdafiə sənayesi şirkətləri NATO-nun gələcək çəkindirmə strategiyasının əsasını təşkil edəcək layihələrdə iştirak edəcək. Bu barədə Türkiyə Müdafiə Sənayesi İdarəsinin rəhbəri Haluk Görgün Ankarada keçirilən NATO Dövlət və Hökumət Başçılarının 36-cı Zirvə toplantısı çərçivəsində təşkil olunan Müdafiə Sənayesi Forumunda bildirib.

MİLGEM ixracatı, yalnız müdafiə sənayesinin dövriyyəsinə daxil edilən adi müqavilələr deyil; bu layihələr Türkiyənin dəniz gücü diplomatiyası, müttəfiqlik əlaqələri və yüksək texnologiya ixracı baxımından yeni bir strateji alət qazandığının əyani göstəricisidir. 1980-ci illərə qədər Türkiyə Hərbi Dəniz Qüvvələri Komandanlığı İkinci Dünya Müharibəsi dövründə inşa edilmiş və ABŞ-dan ikinci əl olaraq alınmış döyüş gəmiləri ilə təchiz olunmuşdu. Lakin 1970-ci illərdə "Berk" və "Peyk" freqatlarının inşası ilə hərbi gəmi dizaynı və tikintisi sahəsində ilk yerli addımlar atıldı.

Türkiyənin müdafiə sənayesi şirkəti ASELSAN ilə müdafiə sənayesi nazirliyi (SSB) arasında yeni müqavilələr imzalanıb. Müqavilələr strateji əhəmiyyətə malik layihələri əhatə edir və ölkənin müdafiə qabiliyyətinin gücləndirilməsinə töhfə verəcək. Sənədlərin imzalanması ilə həmçinin iki tərəf arasında müdafiə texnologiyaları sahəsində əməkdaşlığın daha da inkişaf etdirilməsi hədəflənir.

Şirkətin 2025-ci il üzrə fəaliyyət hesabatında KORKUT hava müdafiə sisteminin əldə etdiyi texnoloji irəliləyişlər və həyata keçirilən layihələr geniş şəkildə təqdim olunub. Hesabatda sistemin həm yerli, həm də beynəlxalq səviyyədə bir sıra ilk nailiyyətlərə imza atdığı vurğulanıb.

ASELSAN tərəfindən yayımlanan 2025-ci il üzrə Fəaliyyət Hesabatı çərçivəsində, müdafiə sahəsində xaricdən asılılığın azaldılması məqsədilə həyata keçirilən milliləşdirmə işlərinin 2025-ci ildə də uğurla davam etdirildiyi bildirilib.

Türk dünyasının mühəndislik, texnologiya və ticari əməkdaşlıq potensialını yeni və daha strateji bir mərhələyə daşımaq məqsədilə keçirilən IV Türk Dünyası Beynəlxalq Mühəndislik Zirvəsi, 5-8 may 2026-cı il tarixlərində paytaxt Bakıda, "JW Marriott Absheron" otelində işinə başlayır. 500-dən çox nüfuzlu sahibkarın iştirak edəcəyi bu mötəbər tədbir regionun ən güclü ticari diplomatiya platformalarından biri kimi qiymətləndirilir.

ASELSAN-ın Baş direktoru Əhməd Akyolun bildirdiyinə görə, 2024-cü ildə başlanılan "aselsaneXt" proqramı öz bəhrəsini verməkdədir. Şirkət təkcə böyümür, həm də maliyyə intizamını gücləndirərək xalis borc səviyyəsini azaldır. Bu dövrdə ÇELİKKUBBE hava hücumundan müdafiə sistemi, radar, elektron müharibə və süni intellekt dəstəkli təhlükəsizlik sistemləri gəlirlərin artmasında həlledici rol oynayıb.

NATO Baş katibi Mark Rutte Ankaraya səfəri çərçivəsində Türkiyənin aparıcı müdafiə sənayesi şirkətlərindən biri olan ASELSAN-ı ziyarət edib. Məlumata görə, Rutte ASELSAN-da Haluk Görgün və Ahmet Akyol tərəfindən qarşılanıb. NATO rəhbəri çıxışı zamanı bildirib ki, müasir dövrdə yalnız müdafiə xərclərinin artırılması kifayət etmir, əsas məsələ istehsal gücünün genişləndirilməsidir.

Türkiyə müdafiə sənayesinin qabaqcıl şirkəti olan ASELSAN, qlobal bazarlardakı fəaliyyəti və texnoloji transformasiyadakı rolu sayəsində bazar dəyərində tarixi zirvəyə ulaşıb. Şirkətin baş direktoru Ahmet Akyol bu gün verdiyi rəsmi açıqlamada ASELSAN-ın bazar dəyərinin 38 milyard dolları keçərək yeni bir rekorda imza atdığını bildirib.

ROKETSAN-ın baş direktoru Murat İkinci Türkiyənin müdafiə sənayesindəki cari layihələr və Çelik Kubbe sistemi ilə bağlı mühüm açıqlamalar verib. O, ROKETSAN-ın tankəleyhinə raketlərdən tutmuş ballistik və qanadlı raketlərə qədər bir çox sahədə kütləvi istehsalı sürətlə davam etdirdiyini bildirib. Murat İkinci xüsusilə ballistik raketlərin istehsal prosesinə toxunaraq qeyd edib ki, həm "TAYFUN" ballistik raketləri, həm də "SOM" qanadlı raketlərinin istehsalı və tədarükü 24 saatlıq iş rejimi ilə həyata keçirilir.

Qətər sahillərində hərbi helikopterin qəzaya uğraması nəticəsində aralarında Türkiyə Silahlı Qüvvələrinin zabiti və ASELSAN şirkətinin mütəxəssislərinin də olduğu 6 nəfər şəhid olub. Hadisə 21 mart axşam saatlarında Qətərin ərazi sularında baş verib. Türkiyə Milli Müdafiə Nazirliyinin (MSB) rəsmi bəyanatına görə, Qətər-Türk Birləşmiş Müştərək Qüvvə Komandanlığı çərçivəsində təlim fəaliyyətləri həyata keçirən Qətər Silahlı Qüvvələrinə məxsus helikopter texniki nasazlıq səbəbindən dənizə düşüb.

Türkiyənin müdafiə sənayesi şirkəti ASELSAN ümumi dəyəri 166 milyon 450 min ABŞ dolları olan müqavilələr bağladığını açıqlayıb. Bundan əlavə, ASELSAN ölkə daxilində fəaliyyət göstərən bir platforma istehsalçısı ilə də yeni ixrac müqaviləsi bağlayıb. 54 milyon 600 min dollar dəyərində olan bu müqavilə çərçivəsində xarici istifadəçilərə elektro-optik sistemlərin tədarükü planlaşdırılır