BAKI, AzerVoice, Nailə Babazadə

Türkiyə Xarici işlər naziri Hakan Fidan sabah Misirə səfər edəcək. Nazir Fidanın bu səfər çərçivəsində Misir Prezidenti Sisinin onu qəbul edəcəyi də gözlənilir.

AzerVoice xəbər verir ki, nazir Fidanın Misirə bu dəfəki səfəri çərçivəsində keçiriləcək görüşlərdə ikitərəfli məsələlər və regional inkişaflarla bağlı fikir mübadiləsi aparılacağı, iki ölkə arasında çoxşaxəli əməkdaşlığın bütün sahələrdə daha da inkişaf etdirilməsinə yönəlmiş konkret addımların müzakirə ediləcəyi gözlənilir.

İkitərəfli görüşlərdə Həmas ilə İsrail arasında Misir, Qətər və ABŞ-ın vasitəçiliyi ilə aparılan atəşkəs danışıqlarının son vəziyyətinə dair qiymətləndirmələrin paylaşılması, Qəzzaya humanitar yardımların fasiləsiz çatdırılmasına yönəlmiş birgə səylərin müzakirə olunması da planlaşdırılır.

İsrailin iki dövlətli həllə qarşı yönəlmiş addımlarının və Qəzzanı ilhaq etməyə yönəlmiş son təşəbbüslərinin regional sülh və sabitlik üçün ən böyük maneə olduğunu vurğulaması, Türkiyənin də iştirak etdiyi və 2025-ci il iyulun 28-30-da Nyu-Yorkda keçirilmiş Fələstin mövzusunda Beynəlxalq Konfransın nəticələrinin qiymətləndirilməsi, eləcə də Liviya, Sudan və Somali başda olmaqla Şimali və Şərqi Afrika ilə Sahel bölgəsindəki çağırışların və iki ölkənin regional sabitliyə töhfələrinin müzakirə olunması da gözlənilir.

Qeyd edək ki, nazir Fidan sonuncu dəfə 2025-ci il martın 23-də İslam Əməkdaşlıq Təşkilatı (İƏT) – Ərəb Liqası Qəzza Əlaqə Qrupunun iclasında iştirak etmək məqsədilə Qahirəyə səfər etmişdi. Misirin xarici işlər naziri Əbdülati isə 2025-ci il fevralın 4-də ikitərəfli səfər çərçivəsində Türkiyəyə gəlmişdi.

Hər iki nazir 2025-ci il iyunun 20-21-də İstanbulda keçirilən İƏT Xarici İşlər Nazirləri Şurasının 51-ci iclası çərçivəsində görüşmüşdü.