Küveyt hakimiyyəti İran İnqilab Keşikçiləri Korpusu (SEPAH) ilə əlaqəli olduğu iddia edilən şəxslərlə bağlı açıqlama yayıb. Məlumata görə, həmin şəxslərin Küveytin Bubiyan adasına balıqçı qayığı ilə çataraq “düşmən xarakterli fəaliyyətlər” həyata keçirmək tapşırığı aldıqları iddia olunur.
#SEPAH
Son vaxtlar Vaşinqtonda Tehran rejiminin kəskin parçalanma yaşadığına dair fərziyyələr dolaşır. Hesab olunur ki, bu parçalanma rejimin Tramp administrasiyası ilə ciddi diplomatik qərarlar qəbul etməsinə mane olacaq qədər dərindir. Lakin ABŞ-la razılaşma istəyən bir qanadın və qarşıdurma tərəfdarı olan digər qanadın mövcudluğu barədə bu yanaşma reallığı həddindən artıq bəsitləşdirir.
"Axios" xəbər saytının ABŞ rəsmilərinə istinadən verdiyi məlumata görə, ABŞ Hərbi Dəniz Qüvvələrinin (HDQ) gəmiləri Hörmüz boğazı və onun ətrafındakı strateji sularda mövqelərini gücləndirir. Bu addım, İran ordusunun və İslam İnqilabı Keşikçiləri Korpusunun (SEPAH) boğazdan keçən kommersiya gəmilərinə və neft tankerlərinə qarşı mümkün hücum cəhdlərinin qarşısını almaq məqsədi daşıyır.
Bəhreyn Krallığında fəaliyyət göstərən Ali Cinayət Məhkəməsi milli təhlükəsizliyə təhdid yaradan fəaliyyətlərlə bağlı genişmiqyaslı məhkəmə prosesini yekunlaşdırıb. Məhkəmənin qərarı ilə İran İslam İnqilabı Keşikçiləri Korpusu (SEPAH) ilə əlbir olaraq strateji əhəmiyyətli obyektləri izləməkdə və fotoşəkillərini çəkməkdə təqsirli bilinən iki əfqan və üç Bəhreyn vətəndaşına ömürlük həbs cəzası verilib. Prokurorluq xarici düşmən qurumlarla əməkdaşlığın dövlət əleyhinə yönəlmiş ən ağır cinayətlərdən biri olduğunu bəyan edib.
Müharibə zamanı İran Hərbi Dəniz Qüvvələri son onilliklərin ən ağır zərbəsini aldı: 150-yə yaxın hərbi dəniz vasitəsi sıradan çıxdı, yüzlərlə hərbçi həlak oldu. Ölənlər arasında Hörmüz boğazının bağlanması doktrinasının memarı sayılan "İnqilab Keşikçiləri Korpusu"nun (SEPAH) Hərbi Dəniz Qüvvələrinin komandanı Əli Rza Təngsiri və dəniz kəşfiyyatının rəhbəri Behnəm Rezai də var. Bu, sadəcə avadanlıq itkisi deyil, qeyri-ənənəvi dəniz müharibəsində qərar qəbul etmə və beyin mərkəzinə endirilən bir zərbə idi.
ABŞ Prezidenti Donald Trampın, 40 günə yaxın davam edən müharibəni dayandıracaq sazişin qurulması üçün müəyyən edilmiş iki həftəlik müddətin bitməsinə az qalmış, İranla atəşkəsi qeyri-müəyyən müddətə uzatdığını elan etməsindən bir gün sonra mənzərə daha da dumanlılaşır və danışıqların taleyi ilə bağlı qeyri-müəyyənlik davam edir. Son bəyanatından bir neçə saat əvvəl Tramp Amerikanın "CNBC" şəbəkəsinə atəşkəsi uzatmağa meylli olmadığını və ölkəsinin ordusunun "hərəkətə keçmək üçün həvəsli" olduğunu təsdiqləmişdi. Bu, Vaşinqton və Tehran nümayəndə heyətlərinin danışıqları bərpa etmək üçün Pakistana gedib-getməyəcəyi ilə bağlı tərəddüd və qeyri-müəyyənlik mühitində baş vermişdi.
Bu, ölkə daxilində uzun müddətdir ki, davam edir. Dini liderlərin, bəzi siyasi kadrların, eləcə də İranın nüfuzlu siyasi xadimi olan Əli Laricaninin öldürülməsi hakimiyyət daxili qarşıdurmanın bariz nümunəsidir. Onların öldürülməsini İsrailin hücumunun nəticəsi kimi qələmə vermək doğru deyil. Bu, içəridən idarə olunan və içəridən koordinatları ötürülən bir əməliyyatın nəticəsi idi. ABŞ və İsrail bunun sahəsində uğurlu hərbi əməliyyatlar həyata keçirdilər
Amerika Birləşmiş Ştatları və İran İslam Respublikası aralarındakı müharibə fonunda İraq üzərindəki təzyiq rıçaqlarını işə salmaqda davam edirlər. Vaşinqton Bağdad hökuməti ilə əlaqəli bəzi tərəfləri "İran milislərinə maliyyə və əməliyyat dəstəyi verməkdə" ittiham edir, Tehran isə "İraq xalqının müqavimətini və mətanətini" alqışladığını bəyan edir.
Ötən şənbə günü, 11 aprel 2026-cı ildə Pakistanın paytaxtı ABŞ və İran arasında birbaşa danışıqların ilk raunduna ev sahibliyi etdi. Bu görüş tərəflərin bir həftəlik atəşkəs barədə razılığa gəlməsindən sonra baş tutub və 2015-ci il Nüvə sazişindən bəri ilk, 1979-cu il İslam İnqilabından bəri isə ən yüksək səviyyəli birbaşa təmasdır. Dünyanın Donald Trampın "bütün sivilizasiyanı məhv etmək" təhdidinin gerisayışını izlədiyi bir vaxtda, bu tarixi sülh prosesini idarə edən şəxslər kimlərdir?
Cəmi bir gündən az davam edən danışıqlar, üç dəqiqəni keçməyən qısa bir mətbuat konfransı ilə və heç bir ciddi irəliləyiş olmadan başa çatdı. Şənbə günü günortadan sonra başlayan ABŞ-İran müzakirələri bütün gecə boyu, təxminən 21 saat davam etdi. C.D. Vens İslamabadda jurnalistlərin qarşısına çıxanda Pakistan paytaxtında artıq günəş doğmuşdu. ABŞ vitse-prezidenti bildirdi: "Razılığa gələ bilmədik. Qırmızı xətlərimizin nə olduğunu çox aydın şəkildə izah etdik... Onlar isə şərtlərimizi qəbul etməməyi seçdilər".
İran İslam İnqilabı Keşikçiləri Korpusunun Hərbi Dəniz Qüvvələri Komandanlığı sosial şəbəkə üzərindən paylaşdığı açıqlamada Hürmüz boğazında hərbi nəzarətin təmin edildiyini bildirib. Bəyanatda qeyd olunub ki, “istənilən yanlış addım düşməni Hürmüz boğazında ölümcül vəziyyətə sala bilər” və bölgədə bütün hərəkətlərin silahlı qüvvələrin nəzarəti altında olduğu vurğulanıb.
Müctəba Xameneinin fevralın 28-də Amerika-İsrail zərbəsi nəticəsində öldürülən atasının xələfi kimi "Ali Rəhbər" təyin edilməsindən bəri o, hələ də ictimaiyyət qarşısına çıxmayıb. Lakin buna baxmayaraq müharibə zamanı qərarın kimin əlində olduğu haqda sualları fonunda İran rejimi hələ də ayaqdadır. Sistemin sağ qalması indi əsas şəxslərdən asılıdır; bunlar "İnqlab Keşikçiləri"nin rəhbəri ilə yanaşı, hər ikisi "Keşikçilər" korpusundan gələn Ali Milli Təhlükəsizlik Şurasının sədri və parlament sədridir.