ABŞ Prezidenti Donald Tramp İrana qarşı hərbi əməliyyatların dayandırıldığını və tərəflər arasında iki həftəlik atəşkəs elan edildiyini bəyan edib. VOA xəbər verir ki, bu qərar, Trampın İrana verdiyi ultimatuumun bitməsinə dəqiqələr qalmış Pakistanın vasitəçiliyi ilə əldə olunub.

İsrailin Baş naziri Benyamin Netanyahu televiziya vasitəsilə xalqa müraciətində İsrail ordusunun bu gün İran daxilindəki strateji nəqliyyat infrastrukturuna genişmiqyaslı zərbələr endirdiyini elan edib. Baş nazir Netanyahu bildirib ki, İsrail hərbi hava qüvvələri İranda dəmir yollarını və körpüləri hədəf alıb. O, heç bir sübut təqdim etmədən iddia edib ki, bu mülki infrastruktur obyektləri İran İslam İnqilabı Keşikçiləri Korpusu (SEPAH) tərəfindən hərbi məqsədlər üçün istifadə olunur.

İran İslam Respublikasının Silahlı Qüvvələri ABŞ və İsrailin ölkə daxilindəki infrastruktur obyektlərinə hücumlarına cavab olaraq genişmiqyaslı qisas əməliyyatı həyata keçirdiyini bəyan edib. İran ordusunun yaydığı rəsmi bəyanatda vurulmuş hədəflərin siyahısı açıqlanıb:

Misrin ABŞ-İsrail koalisiyası ilə İran arasında davam edən müharibədə nümayiş etdirdiyi diplomatik fəallıq regional nüfuzunu artırmaq istəyən bir dövlətin addımı deyil. Bu, əslində, müharibənin öz iqtisadiyyatına və geosiyasi mövqeyinə dağıdıcı təsirlərini artan narahatlıqla izləyən bir ölkənin müdafiə reaksiyasıdır.

İran İslam İnqilabı Keşikçiləri Korpusu (SEPAH) Hərbi Dəniz Qüvvələri strateji əhəmiyyətli Hörmüz boğazı yaxınlığında İsrail rejimi ilə əlaqəli olduğu iddia edilən "MSC Ishyka" adlı gəmiyə pilotsuz uçuş aparatları (PUA) vasitəsilə hücum təşkil etdiyini açıqlayıb. SEPAH Hərbi Dəniz Qüvvələri Komandanlığının sosial media hesabından verilən bəyanatda bildirilir ki, "MSC Ishyka" gəmisinə Hörmüz boğazı mənzilində kamikadze PUA-larla birbaşa zərbə endirilib. Hücum nəticəsində gəmidə yanğın başladığı və gəminin ciddi zədələndiyi barədə məlumatlar daxil olub.

İran İslam İnqilabı Keşikçiləri Korpusu (SEPAH) Səudiyyə Ərəbistanının paytaxtı Ər-Riyadda yerləşən ABŞ səfirliyinə dron hücumu ilə bağlı məsuliyyəti rədd edib. Bu bəyanat The Wall Street Journal qəzetinin yaydığı və hücumun Səudiyyə rəsmilərinin açıqladığından daha ciddi nəticələrə səbəb olduğunu iddia edən materialdan sonra verilib.

İran İslam İnqilabı Keşikçiləri Korpusu (SEPAH) Birləşmiş Ərəb Əmirliklərində (BƏƏ) amerikalı uçuş mühəndisləri və döyüş pilotlarının toplandığı "gizli nöqtənin" ballistik raketlərlə hədəf alındığını iddia edib. Korpusun yaydığı rəsmi bəyanatda bildirilir ki, BƏƏ-dəki bazalardan kənarda yerləşən və ABŞ hərbi personalı üçün gizli görüş yeri kimi istifadə edilən obyekt ballistik raketlərlə dəqiqliklə vurulub. Bu iddia regionda ABŞ-İsrail və İran arasındakı hərbi qarşıdurmanın yeni və daha təhlükəli mərhələyə keçdiyini göstərir.

İran ABŞ-a məxsus ikinci F-35 qırıcı təyyarəsini vurduğunu iddia edib, lakin Vaşinqton bu məlumatları şübhə altına alır. İranın İnqilab Keşikçiləri Korpusu (SEPAH) ilə əlaqəli Fars Xəbər Agentliyinin yaydığı məlumata görə, ABŞ-a məxsus F-35 qırıcı təyyarəsi ölkənin mərkəzi əraziləri üzərində uçuş zamanı vurulub.

İranın İslam İnqilabı Keşikçiləri Korpusu tərəfindən yayılan məlumata əsasən, ölkənin Silahlı Qüvvələrinin general-mayoru və Baş Qərargah rəisinin müşaviri Camşid İshaqi hücum nəticəsində həlak olub. İran mediası tərəfindən tirajlanan bəyanatda qeyd olunur ki, həyata keçirilən hücum nəticəsində general İshaqi ilə yanaşı, onun ailəsinin bir neçə üzvü də həlak olub. SEPAH hücumun təfərrüatları və harada baş verməsi barədə əlavə məlumat verməyib.

ABŞ və İsrailin İrana qarşı müharibəsinin başlamasından cəmi iki gün sonra, Tehran hərbi cəhətdən ondan üstün olan rəqibi qarşısında sağ qalmaq üçün münaqişənin miqyasını genişləndirmək strategiyasına əl atdı. Bu çərçivədə İran Livandakı proksisi olan "Hizbullah"ı döyüşə çağırdı. Lakin bu müharibəyə qoşulmaq, hər tərəfdən sıxışdırılan qruplaşmanın taleyini necə həll edəcək sualına Tehrandan hələ də rəsmi nə də qeyri rəsmi cavab var. İran üçün sona qədər vuruşmağa - əslində isə son livanlını belə qurban etməyə - hazır olan Hizbullah savaşda qalib gələcəyini iddia edir. Hələ də “Zillətin onlardan uzaq” olduğunu söyləyərək İsrail məngənəsində sıxılmağa davam edir.

İran İslam İnqilabı Keşikçiləri Korpusunun (SEPAH) İctimaiyyətlə Əlaqələr Bölməsi Hörmüz boğazından keçən gəmilərin hərəkəti ilə bağlı kritik qərarını açıqlayıb. Rəsmi bəyanatda bildirilir ki, "İsrail-Amerika ittifaqı"na və onları dəstəkləyən ölkələrə məxsus, eləcə də həmin limanlara istiqamətlənən bütün gəmilərin keçidi marşrutundan asılı olmayaraq qadağan edilib.

ABŞ Hərbi Dəniz Qüvvələri İranın hücum iddiaları fonunda “USS Abraham Lincoln” aviadaşıyıcısı ilə bağlı açıqlama verib. Bildirilib ki, martın 25-də Ərəb dənizində uçuş əməliyyatları zamanı gəminin heyət üzvlərindən biri xəsarət alıb. Hadisənin döyüş əməliyyatları ilə əlaqəli olmadığı və hərbçinin həyatına təhlükə yaratmadığı qeyd olunub.