BAKI,VOA,Yusif Şərifzadə

ABŞ-nin vitse-prezidenti Ceyms Devid Vens İsrail hökumətindəki bəzi şəxsləri İranla müharibənin dayandırılmasına yönəlmiş razılaşmaya qarşı ABŞ ictimai rəyinə təsir göstərməyə çalışmaqda ittiham edib.

VOA xəbər verir ki, Vens bu fikirləri ABŞ-li podkast aparıcısı Co Roqanla yayımlanan müsahibəsində səsləndirib.

Vitse-prezident Vaşinqtonun ötən ay İranla müharibənin dayandırılması məqsədilə əldə etdiyi razılaşmanı müdafiə edib.

Vens bildirib ki, İsrail hökumətində təmsil olunan bəzi şəxslərin ABŞ-ni həmin siyasətdən uzaqlaşdırmağa çalışdığına qəti şəkildə inandığını deyib.

Onun sözlərinə görə, həmin şəxslər İsrailin hərbi əməliyyatları davam etdirmək istədiyi üçün ABŞ-də ictimai rəyə təsir göstərməyə cəhd ediblər.

Vensin bu açıqlamaları ABŞ rəhbərliyinin İsraillə bağlı son dövrdə səsləndirdiyi ən sərt bəyanatlardan biri kimi qiymətləndirilir.

İsrail hökuməti vitse-prezidentin ittihamları ilə bağlı hələlik rəsmi münasibət bildirməyib.

Məsələ ABŞ və İsrail arasında İran siyasəti ətrafında fikir ayrılıqlarının artdığı bir dövrə təsadüf edir.