Məlumata görə, Avropa Səyahət Komissiyasının son araşdırmasına əsasən, avropalıların 82 faizi bu mövsümdə səyahət etməyi planlaşdırır. Bu, pandemiyadan sonra turizm sektorunda ciddi canlanmanın göstəricisi hesab olunur. Bildirilib ki, təhlükəsizlik məsələsi artıq əsas prioritetlərdən birinə çevrilib. Sorğuda iştirak edənlərin 22 faizi səyahət edəcəkləri istiqamətin təhlükəsizliyini əsas amil kimi qiymətləndirib.

İslamabadda keçiriləcəyi bildirilən lakin dəqiq vaxtı hələlik məlum olmayan ikinci raund danışıqlar ərəfəsində Vaşinqtonda gərgin saatlar yaşanır. ABŞ mediasında yayılan və Ağ Ev rəsmilərinə istinad edilən xəbərlərə görə vitse prezident Cey Di Vens bu səhər Prezident Donald Trampın rəhbərliyi ilə keçirilən siyasi toplantıda iştirak edib.

ABŞ Prezidenti Donald Tramp sosial media hesabı vasitəsilə İranla bağlı kritik açıqlamalar verərək regionda gərginliyi yenidən artırıb. ABŞ və İran nümayəndə heyətlərinin qalıcı atəşkəs müzakirələri aparmaq üçün bu gün Pakistanın paytaxtı İslamabada səfər etməsi gözlənildiyi bir vaxtda, Tramp Tehran rəhbərliyini atəşkəs şərtlərinini dəfələrlə pozmaqda ittiham edib. Atəşkəs müddətini uzatmaq niyyətində olmadıqlarını vurğulayan ABŞ lideri, İranın başqa çıxış yolunun olmadığını və sonda çox yaxşı bir razılaşmanın əldə olunacağına inandığını bildirib. Tramp, xüsusilə "ordu hərəkətə keçməyə can atır" ifadəsini işlədərək hərbi variantın hələ də masada olduğuna işarə edib.

ABŞ-ın İran bayraqlı yük gəmisinə müdaxiləsindən sonra İranın ABŞ-a məxsus bəzi hərbi gəmilərə pilotsuz uçuş aparatları ilə hücum etdiyi bildirilir. Qeyd olunub ki, hadisə ABŞ-ın İranın “Touska” adlı yük gəmisinə atəş açaraq müdaxilə etməsindən sonra baş verib. Bildirilib ki, ABŞ Prezidenti Donald Tramp daha əvvəl həmin gəminin dayandırılması üçün hərbi müdaxilə edildiyini açıqlayıb.

İran hava məkanının bir hissəsini beynəlxalq uçuşlar üçün açdığını elan edib. Açıqlamada bildirilir ki, İranın şərq hava məkanı beynəlxalq uçuşlar üçün açıq elan olunub, daxili reyslərin isə zəruri texniki və təhlükəsizlik tədbirlərindən sonra mərhələli şəkildə bərpa ediləcəyi qeyd edilib.

Pakistanın ordu komandanı Tehranda İran rəsmiləri ilə görüşərək ABŞ və İran arasında danışıqların yenidən başlanmasına nail olmaq üçün vasitəçilik səylərini davam etdirir. Qeyd olunub ki, Vaşinqton İran üzərinə iqtisadi təzyiqi artırmaq niyyətindədir və yeni sanksiyalar tətbiq etməyi planlaşdırır. Bu addım ABŞ rəsmiləri tərəfindən “maliyyə baxımından bombardman ekvivalenti” kimi qiymətləndirilir.

ABŞ-ın vitse-prezidenti Cey Di Vens Prezident Donald Trampın İranla məhdud deyil, genişmiqyaslı razılaşma əldə etmək niyyətində olduğunu bildirib. Qeyd olunub ki, Vaşinqton İranın nüvə silahına malik olmamasını təmin edəcək razılaşma üzərində israr edir və bu istiqamətdə müzakirələr davam etdiriləcək.

Türkiyənin Xarici İşlər naziri Hakan Fidan ilə İranın Xarici İşlər naziri Abbas Əraqçi arasında telefon danışığı baş tutub. Türkiyə Xarici İşlər Nazirliyindəki diplomatik mənbələrdən əldə edilən məlumata görə, tərəflər regional sabitlik üçün kritik əhəmiyyət kəsb edən məsələləri ətraflı müzakirə ediblər. Danışıqlar zamanı əsas diqqət İran və ABŞ nümayəndə heyətləri arasında davam edən sülh müzakirələrinə və bu prosesdəki son vəziyyətə yönəlib.

İran və ABŞ nümayəndə heyətləri bu gün İslamabadda iki raunddan ibarət danışıqlar aparıblar. Bu barədə İranın Dövlət Televiziya və Radio Şirkəti xəbər verib. Məlumata əsasən, tərəflər arasında üçüncü görüşün axşam saatlarında keçirilməsi planlaşdırılır. Qeyd edək ki, Pakistanın vasitəçiliyi ilə keçirilən bu müzakirələrdə İran heyətinə parlament sədri Məhəmməd Baqir Qalibaf, ABŞ heyətinə isə vitse-prezident Ceyms Devid Vens başçılıq edir.

Birləşmiş Ərəb Əmirlikləri (BƏƏ) ölkənin hava məkanının qismən bağlanması ilə bağlı məhdudiyyətlərin müddətini aprelin 13-dək uzatmağa qərar verib. BƏƏ rəsmiləri xarici aviaşirkətləri bölgədəki riskləri ciddi şəkildə qiymətləndirməyə çağırıb. Uçuşların həyata keçirilməsi üçün hər bir reysdən əvvəl rəsmi qurumlardan "etirazın olmaması" barədə xüsusi təsdiq sənədinin alınması mütləq şərtdir.

İranın cənubundakı Xuzistan bölgəsində yerləşən Bandar İmam neft-kimya kompleksi hava zərbəsi nəticəsində zədələnib. Xuzistan vilayətinin rəsmisi bildirib ki, zərbələr Fajr 1 və Fajr 2 neft-kimya şirkətlərini, eləcə də yaxınlıqdakı digər sənaye obyektlərini hədəf alıb.

"Windward" dəniz kəşfiyyatı şirkətinin məlumatına görə, Hörmüz boğazından keçən gəmilərin sayında artım qeydə alınıb. Məlumata görə, bütün 16 gəmi İranın Larək adasından keçən marşrutdan istifadə edib. "Windward" ekspertləri bunu daha çox ölkənin "gəmilərin keçidini təmin etmək üçün İranla danışıqlar apardığının" əlaməti kimi qiymətləndirirlər. Şirkət həmçinin yaxın günlərdə keçid tempinin daha da artacağını ehtimal edir.