BAKI,VOA, Fərid Mikayılov

Birləşmiş Ərəb Əmirlikləri (BƏƏ) ölkənin hava məkanının qismən bağlanması ilə bağlı məhdudiyyətlərin müddətini aprelin 13-dək uzatmağa qərar verib.

VOA xəbər verir ki, təhlükəsizlik tədbirləri çərçivəsində mülki aviasiya üçün məhdud sayda marşrut müəyyən edilib:

Qonşu ölkələr – Səudiyyə Ərəbistanı və Oman istiqamətində cəmi 6 uçuş dəhlizi ayrılıb;

Digər marşrutlar üzrə uçuşlar müvəqqəti olaraq məhdudlaşdırılıb.

BƏƏ rəsmiləri xarici aviaşirkətləri bölgədəki riskləri ciddi şəkildə qiymətləndirməyə çağırıb. Uçuşların həyata keçirilməsi üçün hər bir reysdən əvvəl rəsmi qurumlardan "etirazın olmaması" barədə xüsusi təsdiq sənədinin alınması mütləq şərtdir.

Yaxın Şərqdəki gərginlik qlobal turizm sektoruna da ağır zərbə vurmaqda davam edir. Statistik məlumatlara görə:

• Dünya turizmi bu münaqişə səbəbindən hər gün təxminən 600 milyon dollar vəsait itirir;
• Regiondakı turist xərcləri yüz milyonlarla dollar azalıb;
• Beynəlxalq aviaşirkətlər uçuş marşrutlarını dəyişmək və əlavə təhlükəsizlik xərcləri çəkmək məcburiyyətində qalıblar.