BAKI, AzerVoice
Suriyanın xarici işlər naziri Əsaad Həsən Şeybani ABŞ Prezidenti Donald Trampın Suriyaya qarşı tətbiq edilmiş sanksiyaların ləğvinə dair bəyanatını alqışlayıb və bu qərarı Suriya xalqı üçün dönüş nöqtəsi adlandırıb.
AzerVoice xəbər verir ki, bu barədə Şeybani Suriyanın SANA agentliyinə verdiyi açqılamada bildirib.
“Biz ABŞ prezidenti Donald Trampın Suriyaya qarşı tətbiq edilən sanksiyaların ləğvi ilə bağlı son bəyanatını alqışlayırıq. Bu hadisə, ölkənin gələcəyini qurmağa, sabitliyə, özünü təmin etməyə və uzun illər davam etmiş dağıdıcı müharibədən sonra yenidənqurmaya yönəldiyi bir vaxtda, Suriya xalqı üçün mühüm bir dönüş nöqtəsidir” - deyə, nazir qeyd edib.
Xatırladaq ki, Tramp Ər-Riyadda keçirilən Səudiyyə-ABŞ investisiya forumunda çıxışı zamanı, ABŞ administrasiyasının Suriyaya qarşı sanksiyaları ləğv edəcəyini və ölkəyə sülh üçün bir fürsət veriləcəyini bəyan etmişdi.